Cyclops

99

τί χρῆμα; Βρομίου πόλιν ἔοιγμεν ἐσβαλεῖν·

100

Σατύρων πρὸς ἄντροις τόνδ' ὅμιλον εἰσορῶ.

101

χαίρειν προσεῖπα πρῶτα τὸν γεραίτατον.

102

{Σι.} χαῖρ', ὦ ξέν', ὅστις δ' εἶ φράσον πάτραν τε σήν.

103

{Οδ.} Ἴθακος Ὀδυσσεύς, γῆς Κεφαλλήνων ἄναξ.

104

{Σι.} οἶδ' ἄνδρα, κρόταλον δριμύ, Σισύφου γένος.

105

{Οδ.} ἐκεῖνος αὐτός εἰμι· λοιδόρει δὲ μή.

106

{Σι.} πόθεν Σικελίαν τήνδε ναυστολῶν πάρει;

107

{Οδ.} ἐξ Ἰλίου γε κἀπὸ Τρωϊκῶν πόνων.

108

{Σι.} πῶς; πορθμὸν οὐκ ἤιδησθα πατρώιας χθονός;

109

{Οδ.} ἀνέμων θύελλαι δεῦρό μ' ἥρπασαν βίαι.

110

{Σι.} παπαῖ· τὸν αὐτὸν δαίμον' ἐξαντλεῖς ἐμοί.

111

{Οδ.} ἦ καὶ σὺ δεῦρο πρὸς βίαν ἀπεστάλης;

112

{Σι.} ληιστὰς διώκων οἳ Βρόμιον ἀνήρπασαν.

113

{Οδ.} τίς δ' ἥδε χώρα καὶ τίνες ναίουσί νιν;

114

{Σι.} Αἰτναῖος ὄχθος Σικελίας ὑπέρτατος.

115

{Οδ.} τείχη δὲ ποῦ 'στι καὶ πόλεως πυργώματα;

116

{Σι.} οὐκ ἔστ'· ἔρημοι πρῶνες ἀνθρώπων, ξένε.

117

{Οδ.} τίνες δ' ἔχουσι γαῖαν; ἦ θηρῶν γένος;

118

{Σι.} Κύκλωπες, ἄντρ' ἔχοντες, οὐ στέγας δόμων.

119

{Οδ.} τίνος κλύοντες; ἢ δεδήμευται κράτος;

120

{Σι.} μονάδες· ἀκούει δ' οὐδὲν οὐδεὶς οὐδενός.

121

{Οδ.} σπείρουσι δ'—ἢ τῶι ζῶσι; —Δήμητρος στάχυν;

122

{Σι.} γάλακτι καὶ τυροῖσι καὶ μήλων βορᾶι.

123

{Οδ.} Βρομίου δὲ πῶμ' ἔχουσιν, ἀμπέλου ῥοάς;

124

{Σι.} ἥκιστα· τοιγὰρ ἄχορον οἰκοῦσι χθόνα.

125

{Οδ.} φιλόξενοι δὲ χὤσιοι περὶ ξένους;

126

{Σι.} γλυκύτατά φασι τὰ κρέα τοὺς ξένους φορεῖν.

127

{Οδ.} τί φήις; βορᾶι χαίρουσιν ἀνθρωποκτόνωι;

128

{Σι.} οὐδεὶς μολὼν δεῦρ' ὅστις οὐ κατεσφάγη.

129

{Οδ.} αὐτὸς δὲ Κύκλωψ ποῦ 'στιν; ἦ δόμων ἔσω;

130

{Σι.} φροῦδος, πρὸς Αἴτνηι θῆρας ἰχνεύων κυσίν.

131

{Οδ.} οἶσθ' οὖν ὃ δρᾶσον, ὡς ἀπαίρωμεν χθονός.

132

{Σι.} οὐκ οἶδ', Ὀδυσσεῦ· πᾶν δέ σοι δρώιημεν ἄν.

133

{Οδ.} ὅδησον ἡμῖν σῖτον, οὖ σπανίζομεν.

134

{Σι.} οὐκ ἔστιν, ὥσπερ εἶπον, ἄλλο πλὴν κρέας.

135

{Οδ.} ἀλλ' ἡδὺ λιμοῦ καὶ τόδε σχετήριον.

136

{Σι.} καὶ τυρὸς ὀπίας ἔστι καὶ βοὸς γάλα.

137

{Οδ.} ἐκφέρετε· φῶς γὰρ ἐμπολήμασιν πρέπει.

138

{Σι.} σὺ δ' ἀντιδώσεις, εἰπέ μοι, χρυσὸν πόσον;

139

{Οδ.} οὐ χρυσὸν ἀλλὰ πῶμα Διονύσου φέρω.

140

{Σι.} ὦ φίλτατ' εἰπών, οὖ σπανίζομεν πάλαι.

141

{Οδ.} καὶ μὴν Μάρων μοι πῶμ' ἔδωκε, παῖς θεοῦ.

142

{Σι.} ὃν ἐξέθρεψα ταῖσδ' ἐγώ ποτ' ἀγκάλαις;

143

{Οδ.} ὁ Βακχίου παῖς, ὡς σαφέστερον μάθηις.

144

{Σι.} ἐν σέλμασιν νεώς ἐστιν ἢ φέρεις σύ νιν;

145

{Οδ.} ὅδ' ἁσκὸς ὃς κεύθει νιν, ὡς ὁρᾶις, γέρον.

146

{Σι.} οὗτος μὲν οὐδ' ἂν τὴν γνάθον πλήσειέ μου.

post 146

〈{Οδ.} 〉〈{Σι.} 〉

147

{Οδ.} ναί· δὶς τόσον πῶμ' ὅσον ἂν ἐξ ἀσκοῦ ῥυῆι.

148

{Σι.} καλήν γε κρήνην εἶπας ἡδεῖάν τ' ἐμοί.

149

{Οδ.} βούληι σε γεύσω πρῶτον ἄκρατον μέθυ;

150

{Σι.} δίκαιον· ἦ γὰρ γεῦμα τὴν ὠνὴν καλεῖ.

151

{Οδ.} καὶ μὴν ἐφέλκω καὶ ποτῆρ' ἀσκοῦ μέτα.

152

{Σι.} φέρ' ἐγκάναξον, ὡς ἀναμνησθῶ πιών.

153

{Οδ.} ἰδού. {Σι.} παπαιάξ, ὡς καλὴν ὀσμὴν ἔχει.

154

{Οδ.} εἶδες γὰρ αὐτήν; {Σι.} οὐ μὰ Δί', ἀλλ' ὀσφραίνομαι.

155

{Οδ.} γεῦσαί νυν, ὡς ἂν μὴ λόγωι 'παινῆις μόνον.

156

{Σι.} βαβαί· χορεῦσαι παρακαλεῖ μ' ὁ Βάκχιος.

157

ἆ ἆ ἆ.

158

{Οδ.} μῶν τὸν λάρυγγα διεκάναξέ σου καλῶς;

159

{Σι.} ὥστ' εἰς ἄκρους γε τοὺς ὄνυχας ἀφίκετο.

160

{Οδ.} πρὸς τῶιδε μέντοι καὶ νόμισμα δώσομεν.

161

{Σι.} χάλα τὸν ἀσκὸν μόνον· ἔα τὸ χρυσίον.

162

{Οδ.} ἐκφέρετέ νυν τυρεύματ' ἢ μήλων τόκον.

163

{Σι.} δράσω τάδ', ὀλίγον φροντίσας γε δεσποτῶν.

164

ὡς ἐκπιών γ' ἂν κύλικα μαινοίμην μίαν,

165

πάντων Κυκλώπων ἀντιδοὺς βοσκήματα

166

ῥίψας τ' ἐς ἅλμην Λευκάδος πέτρας ἄπο

167

ἅπαξ μεθυσθεὶς καταβαλών τε τὰς ὀφρῦς.

168

ὡς ὅς γε πίνων μὴ γέγηθε μαίνεται·

169

ἵν' ἔστι τουτί τ' ὀρθὸν ἐξανιστάναι

170

μαστοῦ τε δραγμὸς καὶ †παρεσκευασμένου†

171

ψαῦσαι χεροῖν λειμῶνος ὀρχηστύς θ' ἅμα

172

κακῶν τε λῆστις. εἶτ' ἐγὼ 〈οὐ〉 κυνήσομαι

173

τοιόνδε πῶμα, τὴν Κύκλωπος ἀμαθίαν

174

κλαίειν κελεύων καὶ τὸν ὀφθαλμὸν μέσον;

175

{Χο.} ἄκου', Ὀδυσσεῦ· διαλαλήσωμέν τί σοι.

176

{Οδ.} καὶ μὴν φίλοι γε προσφέρεσθε πρὸς φίλον.

177

{Χο.} ἐλάβετε Τροίαν τὴν Ἑλένην τε χειρίαν;

178

{Οδ.} καὶ πάντα γ' οἶκον Πριαμιδῶν ἐπέρσαμεν.

179

{Χο.} οὔκουν, ἐπειδὴ τὴν νεᾶνιν εἵλετε,

180

ἅπαντες αὐτὴν διεκροτήσατ' ἐν μέρει,

181

ἐπεί γε πολλοῖς ἥδεται γαμουμένη,

182

τὴν προδότιν, ἣ τοὺς θυλάκους τοὺς ποικίλους

183

περὶ τοῖν σκελοῖν ἰδοῦσα καὶ τὸν χρύσεον

184

κλωιὸν φοροῦντα περὶ μέσον τὸν αὐχένα

185

ἐξεπτοήθη, Μενέλεων ἀνθρώπιον

186

λῶιστον λιποῦσα; μηδαμοῦ γένος ποτὲ

187

φῦναι γυναικῶν ὤφελ', εἰ μὴ 'μοὶ μόνωι.

188

{Σι.} ἰδού· τάδ' ὑμῖν ποιμνίων βοσκήματα,

189

ἄναξ Ὀδυσσεῦ, μηκάδων ἀρνῶν τροφαί,

190

πηκτοῦ γάλακτός τ' οὐ σπάνια τυρεύματα.

191

φέρεσθε· χωρεῖθ' ὡς τάχιστ' ἄντρων ἄπο,

192

βότρυος ἐμοὶ πῶμ' ἀντιδόντες εὐίου.

193

οἴμοι· Κύκλωψ ὅδ' ἔρχεται· τί δράσομεν;

194

{Οδ.} ἀπολώλαμέν τἄρ', ὦ γέρον· ποῖ χρὴ φυγεῖν;

195

{Σι.} ἔσω πέτρας τῆσδ', οὗπερ ἂν λάθοιτέ γε.

196

{Οδ.} δεινὸν τόδ' εἶπας, ἀρκύων μολεῖν ἔσω.

197

{Σι.} οὐ δεινόν· εἰσὶ καταφυγαὶ πολλαὶ πέτρας.

198

{Οδ.} οὐ δῆτ'· ἐπεί τἂν μεγάλα γ' ἡ Τροία στένοι,

199

εἰ φευξόμεσθ' ἕν' ἄνδρα, μυρίον δ' ὄχλον

200

Φρυγῶν ὑπέστην πολλάκις σὺν ἀσπίδι.

201

ἀλλ', εἰ θανεῖν δεῖ, κατθανούμεθ' εὐγενῶς

202

ἢ ζῶντες αἶνον τὸν πάρος συσσώσομεν.

203

{ΚΥΚΛΩΨ} ἄνεχε πάρεχε· τί τάδε; τίς ἡ ῥαιθυμία;

204

τί βακχιάζετ'; οὐχὶ Διόνυσος τάδε,

205

οὐ κρόταλα χαλκοῦ τυμπάνων τ' ἀράγματα.

206

πῶς μοι κατ' ἄντρα νεόγονα βλαστήματα;

207

ἦ πρός τε μαστοῖς εἰσι χὐπὸ μητέρων

208

πλευρὰς τρέχουσι, σχοινίνοις τ' ἐν τεύχεσιν

209

πλήρωμα τυρῶν ἐστιν ἐξημελγμένον;

210

τί φάτε, τί λέγετε; τάχα τις ὑμῶν τῶι ξύλωι

211

δάκρυα μεθήσει. βλέπετ' ἄνω καὶ μὴ κάτω.

212

{Χο.} ἰδού· πρὸς αὐτὸν τὸν Δί' ἀνακεκύφαμεν

213

καὶ τἄστρα καὶ τὸν Ὠρίωνα δέρκομαι.

214

{Κυ.} ἄριστόν ἐστιν εὖ παρεσκευασμένον;

215

{Χο.} πάρεστιν· ὁ φάρυγξ εὐτρεπὴς ἔστω μόνον.

216

{Κυ.} ἦ καὶ γάλακτός εἰσι κρατῆρες πλέωι;

217

{Χο.} ὥστ' ἐκπιεῖν γέ ς', ἢν θέληις, ὅλον πίθον.

218

{Κυ.} μήλειον ἢ βόειον ἢ μεμειγμένον;

219

{Χο.} ὃν ἂν θέληις σύ· μὴ 'μὲ καταπίηις μόνον.

220

{Κυ.} ἥκιστ'· ἐπεί μ' ἂν ἐν μέσηι τῆι γαστέρι

221

πηδῶντες ἀπολέσαιτ' ἂν ὑπὸ τῶν σχημάτων.

222

ἔα· τίν' ὄχλον τόνδ' ὁρῶ πρὸς αὐλίοις;

223

ληισταί τινες κατέσχον ἢ κλῶπες χθόνα;

224

ὁρῶ γέ τοι τούσδ' ἄρνας ἐξ ἄντρων ἐμῶν

225

στρεπταῖς λύγοισι σῶμα συμπεπλεγμένους

226

τεύχη τε τυρῶν συμμιγῆ γέροντά τε

227

πληγαῖς μέτωπον φαλακρὸν ἐξωιδηκότα.

228

{Σι.} ὤμοι, πυρέσσω συγκεκομμένος τάλας.

229

{Κυ.} ὑπὸ τοῦ; τίς ἐς σὸν κρᾶτ' ἐπύκτευσεν, γέρον;

230

{Σι.} ὑπὸ τῶνδε, Κύκλωψ, ὅτι τὰ ς' οὐκ εἴων φέρειν.

231

{Κυ.} οὐκ ἦισαν ὄντα θεόν με καὶ θεῶν ἄπο;

232

{Σι.} ἔλεγον ἐγὼ τάδ'· οἱ δ' ἐφόρουν τὰ χρήματα,

233

καὶ τόν γε τυρὸν οὐκ ἐῶντος ἤσθιον

234

τούς τ' ἄρνας ἐξεφοροῦντο· δήσαντες δὲ σὲ

235

κλωιῶι τριπήχει, κατὰ τὸν ὀφθαλμὸν μέσον

236

τὰ σπλάγχν' ἔφασκον ἐξαμήσεσθαι βίαι,

237

μάστιγί τ' εὖ τὸ νῶτον ἀπολέψειν σέθεν,

238

κἄπειτα συνδήσαντες ἐς θἀδώλια

239

τῆς ναὸς ἐμβαλόντες ἀποδώσειν τινὶ

240

πέτρους μοχλεύειν, ἢ 'ς μυλῶνα καταβαλεῖν.

241

{Κυ.} ἄληθες; οὔκουν κοπίδας ὡς τάχιστ' ἰὼν

242

θήξεις μαχαίρας καὶ μέγαν φάκελον ξύλων

243

ἐπιθεὶς ἀνάψεις; ὡς σφαγέντες αὐτίκα

244

πλήσουσι νηδὺν τὴν ἐμὴν ἀπ' ἄνθρακος

245

θερμὴν διδόντες δαῖτα τῶι κρεανόμωι,

246

τὰ δ' ἐκ λέβητος ἑφθὰ καὶ τετηκότα.

247

ὡς ἔκπλεώς γε δαιτός εἰμ' ὀρεσκόου·

248

ἅλις λεόντων ἐστί μοι θοινωμένωι

249

ἐλάφων τε, χρόνιος δ' εἴμ' ἀπ' ἀνθρώπων βορᾶς.

250

{Σι.} τὰ καινά γ' ἐκ τῶν ἠθάδων, ὦ δέσποτα,

251

ἡδίον' ἐστίν. οὐ γὰρ οὖν νεωστί γε

252

ἄλλοι πρὸς ἄντρα σοὐσαφίκοντο ξένοι.

253

{Οδ.} Κύκλωψ, ἄκουσον ἐν μέρει καὶ τῶν ξένων.

254

ἡμεῖς βορᾶς χρήιζοντες ἐμπολὴν λαβεῖν

255

σῶν ἆσσον ἄντρων ἤλθομεν νεὼς ἄπο.

256

τοὺς δ' ἄρνας ἡμῖν οὖτος ἀντ' οἴνου σκύφου

257

ἀπημπόλα τε κἀδίδου πιεῖν λαβὼν

258

ἑκὼν ἑκοῦσι, κοὐδὲν ἦν τούτων βίαι.

259

ἀλλ' οὗτος ὑγιὲς οὐδὲν ὧν φησιν λέγει,

260

ἐπεὶ κατελήφθη σοῦ λάθραι πωλῶν τὰ σά.

261

{Σι.} ἐγώ; κακῶς γ' ἄρ' ἐξόλοι'. {Οδ.} εἰ ψεύδομαι.

262

{Σι.} μὰ τὸν Ποσειδῶ τὸν τεκόντα ς', ὦ Κύκλωψ,

263

μὰ τὸν μέγαν Τρίτωνα καὶ τὸν Νηρέα,

264

μὰ τὴν Καλυψὼ τάς τε Νηρέως κόρας,

265

μὰ θαἰερὰ κύματ' ἰχθύων τε πᾶν γένος,

266

ἀπώμος', ὦ κάλλιστον ὦ Κυκλώπιον,

267

ὦ δεσποτίσκε, μὴ τὰ ς' ἐξοδᾶν ἐγὼ

268

ξένοισι χρήματ'. ἢ κακῶς οὗτοι κακοὶ

269

οἱ παῖδες ἀπόλοινθ', οὓς μάλιστ' ἐγὼ φιλῶ.

270

{Χο.} αὐτὸς ἔχ'. ἔγωγε τοῖς ξένοις τὰ χρήματα

271

περνάντα ς' εἶδον· εἰ δ' ἐγὼ ψευδῆ λέγω,

272

ἀπόλοιθ' ὁ πατήρ μου· τοὺς ξένους δὲ μὴ ἀδίκει.

273

{Κυ.} ψεύδεσθ'· ἔγωγε τῶιδε τοῦ Ῥαδαμάνθυος

274

μᾶλλον πέποιθα καὶ δικαιότερον λέγω.

275

θέλω δ' ἐρέσθαι· πόθεν ἐπλεύσατ', ὦ ξένοι;

276

ποδαποί; τίς ὑμᾶς ἐξεπαίδευσεν πόλις;

277

{Οδ.} Ἰθακήσιοι μὲν τὸ γένος, Ἰλίου δ' ἄπο,

278

πέρσαντες ἄστυ, πνεύμασιν θαλασσίοις

279

σὴν γαῖαν ἐξωσθέντες ἥκομεν, Κύκλωψ.

280

{Κυ.} ἦ τῆς κακίστης οἳ μετήλθεθ' ἁρπαγὰς

281

Ἑλένης Σκαμάνδρου γείτον' Ἰλίου πόλιν;

282

{Οδ.} οὗτοι, πόνον τὸν δεινὸν ἐξηντληκότες.

283

{Κυ.} αἰσχρὸν στράτευμά γ', οἵτινες μιᾶς χάριν

284

γυναικὸς ἐξεπλεύσατ' ἐς γαῖαν Φρυγῶν.

285

{Οδ.} θεοῦ τὸ πρᾶγμα· μηδέν' αἰτιῶ βροτῶν.

286

ἡμεῖς δέ ς', ὦ θεοῦ ποντίου γενναῖε παῖ,

287

ἱκετεύομέν τε καὶ λέγομεν ἐλευθέρως·

288

μὴ τλῆις πρὸς ἄντρα σοὐσαφιγμένους φίλους

289

κτανεῖν βοράν τε δυσσεβῆ θέσθαι γνάθοις·

290

οἳ τὸν σόν, ὦναξ, πατέρ' ἔχειν ναῶν ἕδρας

291

ἐρρυσάμεσθα γῆς ἐν Ἑλλάδος μυχοῖς·

292

ἱερᾶς τ' ἄθραυστος Ταινάρου μένει λιμὴν

293

Μαλέας τ' ἄκρας κευθμῶνες ἥ τε Σουνίου

294

δίας Ἀθάνας σῶς ὑπάργυρος πέτρα

295

Γεραίστιοί τε καταφυγαί· τά θ' Ἑλλάδος

296

†δύσφρον' ὀνείδη† Φρυξὶν οὐκ ἐδώκαμεν.

297

ὧν καὶ σὺ κοινοῖ· γῆς γὰρ Ἑλλάδος μυχοὺς

298

οἰκεῖς ὑπ' Αἴτνηι, τῆι πυριστάκτωι πέτραι.

299

νόμος δὲ θνητοῖς, εἰ λόγους ἀποστρέφηι,

300

ἱκέτας δέχεσθαι ποντίους ἐφθαρμένους

301

ξένιά τε δοῦναι καὶ πέπλους ἐπαρκέσαι,

302

οὐκ ἀμφὶ βουπόροισι πηχθέντας μέλη

303

ὀβελοῖσι νηδὺν καὶ γνάθον πλῆσαι σέθεν.

304

ἅλις δὲ Πριάμου γαῖ' ἐχήρως' Ἑλλάδα

305

πολλῶν νεκρῶν πιοῦσα δοριπετῆ φόνον

306

ἀλόχους τ' ἀνάνδρους γραῦς τ' ἄπαιδας ὤλεσεν

307

πολιούς τε πατέρας. εἰ δὲ τοὺς λελειμμένους

308

σὺ συμπυρώσας δαῖτ' ἀναλώσεις πικράν,

309

ποῖ τρέψεταί τις; ἀλλ' ἐμοὶ πιθοῦ, Κύκλωψ·

310

πάρες τὸ μάργον σῆς γνάθου, τὸ δ' εὐσεβὲς

311

τῆς δυσσεβείας ἀνθελοῦ· πολλοῖσι γὰρ

312

κέρδη πονηρὰ ζημίαν ἠμείψατο.

313

{Σι.} παραινέσαι σοι βούλομαι· τῶν γὰρ κρεῶν

314

μηδὲν λίπηις τοῦδ'· ἢν δὲ τὴν γλῶσσαν δάκηις,

315

κομψὸς γενήσηι καὶ λαλίστατος, Κύκλωψ.

316

{Κυ.} ὁ πλοῦτος, ἀνθρωπίσκε, τοῖς σοφοῖς θεός,

317

τὰ δ' ἄλλα κόμποι καὶ λόγων εὐμορφία.

318

ἄκρας δ' ἐναλίας αἷς καθίδρυται πατὴρ

319

χαίρειν κελεύω· τί τάδε προυστήσω λόγωι;

320

Ζηνὸς δ' ἐγὼ κεραυνὸν οὐ φρίσσω, ξένε,

321

οὐδ' οἶδ' ὅτι Ζεύς ἐστ' ἐμοῦ κρείσσων θεός.

322

οὔ μοι μέλει τὸ λοιπόν· ὡς δ' οὔ μοι μέλει

323

ἄκουσον· ὅταν ἄνωθεν ὄμβρον ἐκχέηι,

324

ἐν τῆιδε πέτραι στέγν' ἔχων σκηνώματα,

325

ἢ μόσχον ὀπτὸν ἤ τι θήρειον δάκος

326

δαινύμενος, εὖ τέγγων τε γαστέρ' ὑπτίαν,

327

ἐπεκπιὼν γάλακτος ἀμφορέα, πέπλον

328

κρούω, Διὸς βρονταῖσιν εἰς ἔριν κτυπῶν.

329

ὅταν δὲ βορέας χιόνα Θρήικιος χέηι,

330

δοραῖσι θηρῶν σῶμα περιβαλὼν ἐμὸν

331

καὶ πῦρ ἀναίθων, χιόνος οὐδέν μοι μέλει.

332

ἡ γῆ δ' ἀνάγκηι, κἂν θέληι κἂν μὴ θέληι,

333

τίκτουσα ποίαν τἀμὰ πιαίνει βοτά.

334

ἁγὼ οὔτινι θύω πλὴν ἐμοί, θεοῖσι δ' οὔ,

335

καὶ τῆι μεγίστηι, γαστρὶ τῆιδε, δαιμόνων.

336

ὡς τοὐμπιεῖν γε καὶ φαγεῖν τοὐφ' ἡμέραν,

337

Ζεὺς οὖτος ἀνθρώποισι τοῖσι σώφροσιν,

338

λυπεῖν δὲ μηδὲν αὑτόν. οἳ δὲ τοὺς νόμους

339

ἔθεντο ποικίλλοντες ἀνθρώπων βίον,

340

κλαίειν ἄνωγα· τὴν 〈δ'〉 ἐμὴν ψυχὴν ἐγὼ

341

οὐ παύσομαι δρῶν εὖ, κατεσθίων γε σέ.

342

ξένια δὲ λήψηι τοιάδ', ὡς ἄμεμπτος ὦ,

343

πῦρ καὶ πατρῶιον τόνδε χαλκόν, ὃς ζέσας

344

σὴν σάρκα διαφόρητον ἀμφέξει καλῶς.

345

ἀλλ' ἕρπετ' εἴσω, τοῦ κατ' αὔλιον θεοῦ

346

ἵν' ἀμφὶ βωμὸν στάντες εὐωχῆτέ με.

347

{Οδ.} αἰαῖ, πόνους μὲν Τρωϊκοὺς ὑπεξέδυν

348

θαλασσίους τε, νῦν δ' ἐς ἀνδρὸς ἀνοσίου

349

ὠμὴν κατέσχον ἀλίμενόν τε καρδίαν.

350

ὦ Παλλάς, ὦ δέσποινα Διογενὲς θεά,

351

νῦν νῦν ἄρηξον· κρείσσονας γὰρ Ἰλίου

352

πόνους ἀφῖγμαι κἀπὶ κινδύνου βάθρα.

353

σύ τ', ὦ φαεννὰς ἀστέρων οἰκῶν ἕδρας

354

Ζεῦ ξένι', ὅρα τάδ'· εἰ γὰρ αὐτὰ μὴ βλέπεις,

355

ἄλλως νομίζηι Ζεὺς τὸ μηδὲν ὢν θεός.

356

{Χο.} Εὐρείας φάρυγος, ὦ Κύκλωψ,

357

ἀναστόμου τὸ χεῖλος· ὡς ἕτοιμά σοι

358

ἑφθὰ καὶ ὀπτὰ καὶ ἀνθρακιᾶς ἄπο 〈θερμὰ〉 χναύειν βρύκειν

359

κρεοκοπεῖν μέλη ξένων

360

δασυμάλλωι ἐν αἰγίδι κλινομένωι.

361

μὴ 'μοὶ μὴ προσδίδου·

362

μόνος μόνωι γέμιζε πορθμίδος σκάφος.

363

χαιρέτω μὲν αὖλις ἅδε,

364

χαιρέτω δὲ θυμάτων

365

ἀποβώμιος †ἃν ἔχει θυσίαν†

366

Κύκλωψ Αἰτναῖος ξενικῶν

367

κρεῶν κεχαρμένος βορᾶι.

368

†νηλὴς ὦ τλᾶμον ὅστις δωμάτων†

371

ἐφεστίους ἱκτῆρας ἐκθύει δόμων,

373

ἑφθά τε δαινύμενος μυσαροῖσί τ' ὀδοῦσιν

372

κόπτων βρύκων

374

θέρμ' ἀπ' ἀνθράκων κρέα

post 374

〈 〉

post 375

{Οδ.} ὦ Ζεῦ, τί λέξω, δείν' ἰδὼν ἄντρων ἔσω

post 376

κοὐ πιστά, μύθοις εἰκότ' οὐδ' ἔργοις βροτῶν;

post 377

{Χο.} τί δ' ἔστ', Ὀδυσσεῦ; μῶν τεθοίναται σέθεν

post 378

φίλους ἑταίρους ἀνοσιώτατος Κύκλωψ;

post 379

{Οδ.} δισσούς γ' ἀθρήσας κἀπιβαστάσας χεροῖν,

post 37:

οἳ σαρκὸς εἶχον εὐτραφέστατον πάχος.

post 37;

{Χο.} πῶς, ὦ ταλαίπωρ', ἦτε πάσχοντες τάδε;

post 37<

{Οδ.} ἐπεὶ πετραίαν τήνδ' ἐσήλθομεν †χθόνα†,

post 37=

ἀνέκαυσε μὲν πῦρ πρῶτον, ὑψηλῆς δρυὸς

post 37>

κορμοὺς πλατείας ἐσχάρας βαλὼν ἔπι,

post 37?

τρισσῶν ἁμαξῶν ὡς ἀγώγιμον βάρος,

392

καὶ χάλκεον λέβητ' ἐπέζεσεν πυρί.

386

ἔπειτα φύλλων ἐλατίνων χαμαιπετῆ

387

ἔστρωσεν εὐνὴν πλησίον πυρὸς φλογί.

388

κρατῆρα δ' ἐξέπλησεν ὡς δεκάμφορον,

389

μόσχους ἀμέλξας, λευκὸν ἐσχέας γάλα,

390

σκύφος τε κισσοῦ παρέθετ' εἰς εὖρος τριῶν

391

πήχεων, βάθος δὲ τεσσάρων ἐφαίνετο,

393

ὀβελούς τ', ἄκρους μὲν ἐγκεκαυμένους πυρί,

394

ξεστοὺς δὲ δρεπάνωι τἄλλα, παλιούρου κλάδων,

395

†Αἰτναῖά τε σφαγεῖα πελέκεων γνάθοις†.

396

ὡς δ' ἦν ἕτοιμα πάντα τῶι θεοστυγεῖ

397

Ἅιδου μαγείρωι, φῶτε συμμάρψας δύο

398

ἔσφαζ' ἑταίρων τῶν ἐμῶν, ῥυθμῶι θ' ἑνὶ

399

τὸν μὲν λέβητος ἐς κύτος χαλκήλατον

post 399

〈 〉

post 39:

τὸν δ' αὖ, τένοντος ἁρπάσας ἄκρου ποδός,

post 39;

παίων πρὸς ὀξὺν στόνυχα πετραίου λίθου

post 39<

ἐγκέφαλον ἐξέρρανε· καὶ †καθαρπάσας†

post 39=

λάβρωι μαχαίραι σάρκας ἐξώπτα πυρί,

post 39>

τὰ δ' ἐς λέβητ' ἐφῆκεν ἕψεσθαι μέλη.

post 39?

ἐγὼ δ' ὁ τλήμων δάκρυ' ἀπ' ὀφθαλμῶν χέων

post 39@

ἐχριμπτόμην Κύκλωπι κἀδιακόνουν·

post 39A

ἅλλοι δ' ὅπως ὄρνιθες ἐν μυχοῖς πέτρας

post 39B

πτήξαντες εἶχον, αἷμα δ' οὐκ ἐνῆν χροΐ.

post 39C

ἐπεὶ δ' ἑταίρων τῶν ἐμῶν πλησθεὶς βορᾶς

post 39D

ἀνέπεσε, φάρυγος αἰθέρ' ἐξανεὶς βαρύν,

post 39E

ἐσῆλθέ μοί τι θεῖον· ἐμπλήσας σκύφος

post 39F

Μάρωνος αὐτῶι τοῦδε προσφέρω πιεῖν,

post 39G

λέγων τάδ'· Ὦ τοῦ ποντίου θεοῦ Κύκλωψ,

post 39H

σκέψαι τόδ' οἷον Ἑλλὰς ἀμπέλων ἄπο

post 39I

θεῖον κομίζει πῶμα, Διονύσου γάνος.

post 39J

ὁ δ' ἔκπλεως ὢν τῆς ἀναισχύντου βορᾶς

post 39K

ἐδέξατ' ἔσπασέν 〈τ'〉 ἄμυστιν ἑλκύσας

post 39L

κἀπήινες' ἄρας χεῖρα· Φίλτατε ξένων,

post 39M

καλὸν τὸ πῶμα δαιτὶ πρὸς καλῆι δίδως.

post 39N

ἡσθέντα δ' αὐτὸν ὡς ἐπηισθόμην ἐγώ,

post 39O

ἄλλην ἔδωκα κύλικα, γιγνώσκων ὅτι

422

τρώσει νιν οἶνος καὶ δίκην δώσει τάχα.

423

καὶ δὴ πρὸς ὠιδὰς εἷρπ'· ἐγὼ δ' ἐπεγχέων

424

ἄλλην ἐπ' ἄλληι σπλάγχν' ἐθέρμαινον ποτῶι.

425

ἄιδει δὲ παρὰ κλαίουσι συνναύταις ἐμοῖς

426

ἄμους', ἐπηχεῖ δ' ἄντρον. ἐξελθὼν δ' ἐγὼ

427

σιγῆι σὲ σῶσαι κἄμ', ἐὰν βούληι, θέλω.

428

ἀλλ' εἴπατ' εἴτε χρήιζετ' εἴτ' οὐ χρήιζετε

429

φεύγειν ἄμεικτον ἄνδρα καὶ τὰ Βακχίου

430

ναίειν μέλαθρα Ναΐδων νυμφῶν μέτα.

431

ὁ μὲν γὰρ ἔνδον σὸς πατὴρ τάδ' ἤινεσεν·

432

ἀλλ' ἀσθενὴς γὰρ κἀποκερδαίνων ποτοῦ

433

ὥσπερ πρὸς ἰξῶι τῆι κύλικι λελημμένος

434

πτέρυγας ἀλύει· σὺ δέ (νεανίας γὰρ εἶ)

435

σώθητι μετ' ἐμοῦ καὶ τὸν ἀρχαῖον φίλον

436

Διόνυσον ἀνάλαβ', οὐ Κύκλωπι προσφερῆ.

437

{Χο.} ὦ φίλτατ', εἰ γὰρ τήνδ' ἴδοιμεν ἡμέραν

438

Κύκλωπος ἐκφυγόντες ἀνόσιον κάρα.

439

ὡς διὰ μακροῦ γε †τὸν σίφωνα τὸν φίλον

440

χηρεύομεν τόνδ' οὐκ ἔχομεν καταφαγεῖν.†

441

{Οδ.} ἄκουε δή νυν ἣν ἔχω τιμωρίαν

442

θηρὸς πανούργου σῆς τε δουλείας φυγήν.

443

{Χο.} λέγ', ὡς Ἀσιάδος οὐκ ἂν ἥδιον ψόφον

444

κιθάρας κλύοιμεν ἢ Κύκλωπ' ὀλωλότα.

445

{Οδ.} ἐπὶ κῶμον ἕρπειν πρὸς κασιγνήτους θέλει

446

Κύκλωπας ἡσθεὶς τῶιδε Βακχίου ποτῶι.

447

{Χο.} ξυνῆκ'· ἔρημον ξυλλαβὼν δρυμοῖσί νιν

448

σφάξαι μενοινᾶις ἢ πετρῶν ὦσαι κάτα.

449

{Οδ.} οὐδὲν τοιοῦτον· δόλιος ἡ προθυμία.

450

{Χο.} πῶς δαί; σοφόν τοί ς' ὄντ' ἀκούομεν πάλαι.

451

{Οδ.} κώμου μὲν αὐτὸν τοῦδ' ἀπαλλάξαι, λέγων

452

ὡς οὐ Κύκλωψι πῶμα χρὴ δοῦναι τόδε,

453

μόνον δ' ἔχοντα βίοτον ἡδέως ἄγειν.

454

ὅταν δ' ὑπνώσσηι Βακχίου νικώμενος,

455

ἀκρεμὼν ἐλαίας ἔστιν ἐν δόμοισί τις,

456

ὃν φασγάνωι τῶιδ' ἐξαποξύνας ἄκρον

457

ἐς πῦρ καθήσω· κἆιθ' ὅταν κεκαυμένον

458

ἴδω νιν, ἄρας θερμὸν ἐς μέσην βαλῶ

459

Κύκλωπος ὄψιν ὄμμα τ' ἐκτήξω πυρί.

460

ναυπηγίαν δ' ὡσεί τις ἁρμόζων ἀνὴρ

461

διπλοῖν χαλινοῖν τρύπανον κωπηλατεῖ,

462

οὕτω κυκλώσω δαλὸν ἐν φαεσφόρωι

463

Κύκλωπος ὄψει καὶ συναυανῶ κόρας.

464

{Χο.} ἰοὺ ἰού·

465

γέγηθα μαινόμεσθα τοῖς εὑρήμασιν.

466

{Οδ.} κἄπειτα καὶ σὲ καὶ φίλους γέροντά τε

467

νεὼς μελαίνης κοῖλον ἐμβήσας σκάφος

468

διπλαῖσι κώπαις τῆσδ' ἀποστελῶ χθονός.

469

{Χο.} ἔστ' οὖν ὅπως ἂν ὡσπερεὶ σπονδῆς θεοῦ

470

κἀγὼ λαβοίμην τοῦ τυφλοῦντος ὄμματα

471

δαλοῦ; πόνου γὰρ τοῦδε κοινωνεῖν θέλω.

472

{Οδ.} δεῖ γοῦν· μέγας γὰρ δαλός, οὗ ξυλληπτέον.

473

{Χο.} ὡς κἂν ἁμαξῶν ἑκατὸν ἀραίμην βάρος,

474

εἰ τοῦ Κύκλωπος τοῦ κακῶς ὀλουμένου

475

ὀφθαλμὸν ὥσπερ σφηκιὰν ἐκθύψομεν.

476

{Οδ.} σιγᾶτέ νυν· δόλον γὰρ ἐξεπίστασαι·

477

χὤταν κελεύω, τοῖσιν ἀρχιτέκτοσιν

478

πείθεσθ'. ἐγὼ γὰρ ἄνδρας ἀπολιπὼν φίλους

479

τοὺς ἔνδον ὄντας οὐ μόνος σωθήσομαι.

480

[καίτοι φύγοιμ' ἂν κἀκβέβηκ' ἄντρου μυχῶν·

481

ἀλλ' οὐ δίκαιον ἀπολιπόντ' ἐμοὺς φίλους

482

ξὺν οἷσπερ ἦλθον δεῦρο σωθῆναι μόνον.]

483

{Χο.} ἄγε, τίς πρῶτος, τίς δ' ἐπὶ πρώτωι

484

ταχθεὶς δαλοῦ κώπην ὀχμάσαι.

485

Κύκλωπος ἔσω βλεφάρων ὤσας

486

λαμπρὰν ὄψιν διακναίσει;

487

[ὠιδὴ ἔνδοθεν.]

488

σίγα σίγα. καὶ δὴ μεθύων

489

ἄχαριν κέλαδον μουσιζόμενος

490

σκαιὸς ἀπωιδὸς καὶ κλαυσόμενος

491

χωρεῖ πετρίνων ἔξω μελάθρων.

492

φέρε νιν κώμοις παιδεύσωμεν

493

τὸν ἀπαίδευτον·

494

πάντως μέλλει τυφλὸς εἶναι.

495

μάκαρ ὅστις εὐιάζει

496

βοτρύων φίλαισι πηγαῖς

497

ἐπὶ κῶμον ἐκπετασθεὶς

498

φίλον ἄνδρ' ὑπαγκαλίζων,

499

ἐπὶ δεμνίοις τε †ξανθὸν†

500

χλιδανᾶς ἔχων ἑταίρας

501

μυρόχριστος λιπαρὸν βό-

502

στρυχον, αὐδᾶι δέ· Θύραν τίς οἴξει μοι;

503

{Κυ.} παπαπαῖ· πλέως μὲν οἴνου,

504

γάνυμαι 〈δὲ〉 δαιτὸς ἥβαι,

505

σκάφος ὁλκὰς ὣς γεμισθεὶς

506

ποτὶ σέλμα γαστρὸς ἄκρας.

507

ὑπάγει μ' ὁ φόρτος εὔφρων

508

ἐπὶ κῶμον ἦρος ὥραις

509

ἐπὶ Κύκλωπας ἀδελφούς.

510

φέρε μοι, ξεῖνε, φέρ', ἀσκὸν ἔνδος μοι.

511

{Χο.} καλὸν ὄμμασιν δεδορκὼς

512

καλὸς ἐκπερᾶι μελάθρων.

513

〈 〉 φιλεῖ τίς ἡμᾶς;

514

λύχνα δ' †ἀμμένει δαΐα σὸν

515

χρόα χὡς† τέρεινα νύμφα

516

δροσερῶν ἔσωθεν ἄντρων.

517

στεφάνων δ' οὐ μία χροιὰ

518

περὶ σὸν κρᾶτα τάχ' ἐξομιλήσει.

519

{Οδ.} Κύκλωψ, ἄκουσον· ὡς ἐγὼ τοῦ Βακχίου

520

τούτου τρίβων εἴμ', ὃν πιεῖν ἔδωκά σοι.

521

{Κυ.} ὁ Βάκχιος δὲ τίς; θεὸς νομίζεται;

522

{Οδ.} μέγιστος ἀνθρώποισιν ἐς τέρψιν βίου.

523

{Κυ.} ἐρυγγάνω γοῦν αὐτὸν ἡδέως ἐγώ.

524

{Οδ.} τοιόσδ' ὁ δαίμων· οὐδένα βλάπτει βροτῶν.

525

{Κυ.} θεὸς δ' ἐν ἀσκῶι πῶς γέγηθ' οἴκους ἔχων;

526

{Οδ.} ὅπου τιθῆι τις, ἐνθάδ' ἐστὶν εὐπετής.

527

{Κυ.} οὐ τοὺς θεοὺς χρὴ σῶμ' ἔχειν ἐν δέρμασιν.

528

{Οδ.} τί δ', εἴ σε τέρπει γ'; ἢ τὸ δέρμα σοι πικρόν;

529

{Κυ.} μισῶ τὸν ἀσκόν· τὸ δὲ ποτὸν φιλῶ τόδε.

530

{Οδ.} μένων νυν αὐτοῦ πῖνε κεὐθύμει, Κύκλωψ.

531

{Κυ.} οὐ χρή μ' ἀδελφοῖς τοῦδε προσδοῦναι ποτοῦ;

532

{Οδ.} ἔχων γὰρ αὐτὸς τιμιώτερος φανῆι.

533

{Κυ.} διδοὺς δὲ τοῖς φίλοισι χρησιμώτερος.

534

{Οδ.} πυγμὰς ὁ κῶμος λοίδορόν τ' ἔριν φιλεῖ.

535

{Κυ.} μεθύω μέν, ἔμπας δ' οὔτις ἂν ψαύσειέ μου.

536

{Οδ.} ὦ τᾶν, πεπωκότ' ἐν δόμοισι χρὴ μένειν.

537

{Κυ.} ἠλίθιος ὅστις μὴ πιὼν κῶμον φιλεῖ.

538

{Οδ.} ὃς δ' ἂν μεθυσθείς γ' ἐν δόμοις μείνηι σοφός.

539

{Κυ.} τί δρῶμεν, ὦ Σιληνέ; σοὶ μένειν δοκεῖ;

540

{Σι.} δοκεῖ· τί γὰρ δεῖ συμποτῶν ἄλλων, Κύκλωψ;

541

{Οδ.} καὶ μὴν λαχνῶδές γ' οὖδας ἀνθηρᾶς χλόης.

542

{Σι.} καὶ πρός γε θάλπος ἡλίου πίνειν καλόν.

543

κλίθητί νύν μοι πλευρὰ θεὶς ἐπὶ χθονός.

544

{Κυ.} ἰδού.

545

τί δῆτα τὸν κρατῆρ' ὄπισθ' ἐμοῦ τίθης;

546

{Σι.} ὡς μὴ παριών τις καταβάληι. {Κυ.} πίνειν μὲν οὖν

547

κλέπτων σὺ βούληι· κάτθες αὐτὸν ἐς μέσον.

548

σὺ δ', ὦ ξέν', εἰπὲ τοὔνομ' ὅτι σε χρὴ καλεῖν.

549

{Οδ.} Οὖτιν· χάριν δὲ τίνα λαβών ς' ἐπαινέσω;

550

{Κυ.} πάντων ς' ἑταίρων ὕστερον θοινάσομαι.

551

{Σι.} καλόν γε τὸ γέρας τῶι ξένωι δίδως, Κύκλωψ.

552

{Κυ.} οὗτος, τί δρᾶις; τὸν οἶνον ἐκπίνεις λάθραι;

553

{Σι.} οὔκ, ἀλλ' ἔμ' οὗτος ἔκυσεν ὅτι καλὸν βλέπω.

554

{Κυ.} κλαύσηι, φιλῶν τὸν οἶνον οὐ φιλοῦντα σέ.

555

{Σι.} οὐ μὰ Δί', ἐπεί μού φης' ἐρᾶν ὄντος καλοῦ.

556

{Κυ.} ἔγχει, πλέων δὲ τὸν σκύφον δίδου μόνον.

557

{Σι.} πῶς οὖν κέκραται; φέρε διασκεψώμεθα.

558

{Κυ.} ἀπολεῖς· δὸς οὕτως. {Σι.} οὐ μὰ δί', οὐ πρὶν ἄν γέ σε

559

στέφανον ἴδω λαβόντα γεύσωμαί τ' ἔτι.

560

{Κυ.} οἱνοχόος ἄδικος. {Σι.} 〈οὐ〉 μὰ δί', ἀλλ' οἷνος γλυκύς.

561

ἀπομακτέον δέ σοὐστὶν ὡς λήψηι πιεῖν.

562

{Κυ.} ἰδού, καθαρὸν τὸ χεῖλος αἱ τρίχες τέ μου.

563

{Σι.} θές νυν τὸν ἀγκῶν' εὐρύθμως κἆιτ' ἔκπιε,

564

ὥσπερ μ' ὁρᾶις πίνοντα χὤσπερ οὐκ ἐμέ.

565

{Κυ.} ἆ ἆ, τί δράσεις; {Σι.} ἡδέως ἠμύστισα.

566

{Κυ.} λάβ', ὦ ξέν', αὐτὸς οἰνοχόος τέ μοι γενοῦ.

567

{Οδ.} γιγνώσκεται γοῦν ἅμπελος τἠμῆι χερί.

568

{Κυ.} φέρ' ἔγχεόν νυν. {Οδ.} ἐγχέω, σίγα μόνον.

569

{Κυ.} χαλεπὸν τόδ' εἶπας, ὅστις ἂν πίνηι πολύν.

570

{Οδ.} ἰδού, λαβὼν ἔκπιθι καὶ μηδὲν λίπηις·

571

συνεκθανεῖν δὲ σπῶντα χρὴ τῶι πώματι.

572

{Κυ.} παπαῖ, σοφόν γε τὸ ξύλον τῆς ἀμπέλου.

573

{Οδ.} κἂν μὲν σπάσηις γε δαιτὶ πρὸς πολλῆι πολύν,

574

τέγξας ἄδιψον νηδύν, εἰς ὕπνον βαλεῖ,

575

ἢν δ' ἐλλίπηις τι, ξηρανεῖ ς' ὁ Βάκχιος.

576

{Κυ.} ἰοὺ ἰού·

577

ὡς ἐξένευσα μόγις· ἄκρατος ἡ χάρις.

578

ὁ δ' οὐρανός μοι συμμεμειγμένος δοκεῖ

579

τῆι γῆι φέρεσθαι, τοῦ Διός τε τὸν θρόνον

580

λεύσσω τὸ πᾶν τε δαιμόνων ἁγνὸν σέβας.

581

οὐκ ἂν φιλήσαιμ'; αἱ Χάριτες πειρῶσί με.

582

ἅλις· Γανυμήδη τόνδ' ἔχων ἀναπαύσομαι

583

κάλλιον ἢ τὰς Χάριτας. ἥδομαι δέ πως

584

τοῖς παιδικοῖσι μᾶλλον ἢ τοῖς θήλεσιν.

585

{Σι.} ἐγὼ γὰρ ὁ Διός εἰμι Γανυμήδης, Κύκλωψ;

586

{Κυ.} ναὶ μὰ Δί', ὃν ἁρπάζω γ' ἐγὼ 'κ τῆς Δαρδάνου.

587

{Σι.} ἀπόλωλα, παῖδες· σχέτλια πείσομαι κακά.

588

{Κυ.} μέμφηι τὸν ἐραστὴν κἀντρυφᾶις πεπωκότι;

589

{Σι.} οἴμοι· πικρότατον οἶνον ὄψομαι τάχα.

590

{Οδ.} ἄγε δή, Διονύσου παῖδες, εὐγενῆ τέκνα,

591

ἔνδον μὲν ἁνήρ· τῶι δ' ὕπνωι παρειμένος

592

τάχ' ἐξ ἀναιδοῦς φάρυγος ὠθήσει κρέα.

593

δαλὸς δ' ἔσωθεν αὐλίων †ὠθεῖ† καπνὸν

594

παρευτρέπισται, κοὐδὲν ἄλλο πλὴν πυροῦν

595

Κύκλωπος ὄψιν· ἀλλ' ὅπως ἀνὴρ ἔσηι.

596

{Χο.} πέτρας τὸ λῆμα κἀδάμαντος ἕξομεν.

597

χώρει δ' ἐς οἴκους πρίν τι τὸν πατέρα παθεῖν

598

ἀπάλαμνον· ὥς σοι τἀνθάδ' ἐστὶν εὐτρεπῆ.

599

{Οδ.} Ἥφαιστ', ἄναξ Αἰτναῖε, γείτονος κακοῦ

600

λαμπρὸν πυρώσας ὄμμ' ἀπαλλάχθηθ' ἅπαξ,

601

σύ τ', ὦ μελαίνης Νυκτὸς ἐκπαίδευμ', Ὕπνε,

602

ἄκρατος ἐλθὲ θηρὶ τῶι θεοστυγεῖ,

603

καὶ μὴ 'πὶ καλλίστοισι Τρωϊκοῖς πόνοις

604

αὐτόν τε ναύτας τ' ἀπολέσητ' Ὀδυσσέα

605

ὑπ' ἀνδρὸς ὧι θεῶν οὐδὲν ἢ βροτῶν μέλει.

606

ἢ τὴν τύχην μὲν δαίμον' ἡγεῖσθαι χρεών,

607

τὰ δαιμόνων δὲ τῆς τύχης ἐλάσσονα.

608

{Χο.} λήψεται τὸν τράχηλον

609

ἐντόνως ὁ καρκίνος

610

τοῦ ξενοδαιτυμόνος· πυρὶ γὰρ τάχα

611

φωσφόρους ὀλεῖ κόρας.

612

ἤδη δαλὸς ἠνθρακωμένος

615

κρύπτεται ἐς σποδιάν, δρυὸς ἄσπετον

616

ἔρνος. ἀλλ' ἴτω Μάρων, πρασσέτω,

617

μαινομένου 'ξελέτω βλέφαρον

618

Κύκλωπος, ὡς πίηι κακῶς.

620

κἀγὼ τὸν φιλοκισσοφόρον Βρόμιον

621

ποθεινὸν εἰσιδεῖν θέλω,

622

Κύκλωπος λιπὼν ἐρημίαν·

623

ἆρ' ἐς τοσόνδ' ἀφίξομαι;

624

{Οδ.} σιγᾶτε πρὸς θεῶν, θῆρες, ἡσυχάζετε,

625

συνθέντες ἄρθρα στόματος· οὐδὲ πνεῖν ἐῶ,

626

οὐ σκαρδαμύσσειν οὐδὲ χρέμπτεσθαί τινα,

627

ὡς μὴ 'ξεγερθῆι τὸ κακόν, ἔστ' ἂν ὄμματος

628

ὄψις Κύκλωπος ἐξαμιλληθῆι πυρί.

629

{Χο.} σιγῶμεν ἐγκάψαντες αἰθέρα γνάθοις.

630

{Οδ.} ἄγε νυν ὅπως ἅψεσθε τοῦ δαλοῦ χεροῖν

631

ἔσω μολόντες· διάπυρος δ' ἐστὶν καλῶς.

632

{Χο.} οὔκουν σὺ τάξεις οὕστινας πρώτους χρεὼν

633

καυτὸν μοχλὸν λαβόντας ἐκκαίειν τὸ φῶς

634

Κύκλωπος, ὡς ἂν τῆς τύχης κοινώμεθα;

635

{Χο.α} ἡμεῖς μέν ἐσμεν μακροτέρω πρὸ τῶν θυρῶν

636

ἑστῶτες ὠθεῖν ἐς τὸν ὀφθαλμὸν τὸ πῦρ.

637

{Χο.β} ἡμεῖς δὲ χωλοί γ' ἀρτίως γεγενήμεθα.

638

{Χο.α} ταὐτὸν πεπόνθατ' ἆρ' ἐμοί· τοὺς γὰρ πόδας

639

ἑστῶτες ἐσπάσθημεν οὐκ οἶδ' ἐξ ὅτου.

640

{Οδ.} ἑστῶτες ἐσπάσθητε; {Χο.α} καὶ τά γ' ὄμματα

641

μέστ' ἐστὶν ἡμῖν κόνεος ἢ τέφρας ποθέν.

642

{Οδ.} ἄνδρες πονηροὶ κοὐδὲν οἵδε σύμμαχοι.

643

{Χο.} ὁτιὴ τὸ νῶτον τὴν ῥάχιν τ' οἰκτίρομεν

644

καὶ τοὺς ὀδόντας ἐκβαλεῖν οὐ βούλομαι

645

τυπτόμενος, αὕτη γίγνεται πονηρία;

646

ἀλλ' οἶδ' ἐπωιδὴν Ὀρφέως ἀγαθὴν πάνυ,

647

ὥστ' αὐτόματον τὸν δαλὸν ἐς τὸ κρανίον

648

στείχονθ' ὑφάπτειν τὸν μονῶπα παῖδα γῆς.

649

{Οδ.} πάλαι μὲν ἤιδη ς' ὄντα τοιοῦτον φύσει,

650

νῦν δ' οἶδ' ἄμεινον. τοῖσι δ' οἰκείοις φίλοις

651

χρῆσθαί μ' ἀνάγκη. χειρὶ δ' εἰ μηδὲν σθένεις,

652

ἀλλ' οὖν ἐπεγκέλευέ γ', ὡς εὐψυχίαν

653

φίλων κελευσμοῖς τοῖσι σοῖς κτησώμεθα.

654

{Χο.} δράσω τάδ'· ἐν τῶι Καρὶ κινδυνεύσομεν.

655

κελευσμάτων δ' ἕκατι τυφέσθω Κύκλωψ.

656

ἰὼ ἰώ· γενναιότατ' ὠ-

657

θεῖτε σπεύδετ', ἐκκαίετε τὰν ὀφρὺν

658

θηρὸς τοῦ ξενοδαίτα.

659

τύφετ' ὦ, καίετ' ὦ

660

τὸν Αἴτνας μηλονόμον.

661

τόρνευ' ἕλκε, μή ς' ἐξοδυνηθεὶς

662

δράσηι τι μάταιον.

663

{Κυ.} ὤμοι, κατηνθρακώμεθ' ὀφθαλμοῦ σέλας.

664

{Χο.} καλός γ' ὁ παιάν· μέλπε μοι τόνδ' αὖ, Κύκλωψ.

665

{Κυ.} ὤμοι μάλ', ὡς ὑβρίσμεθ', ὡς ὀλώλαμεν.

666

ἀλλ' οὔτι μὴ φύγητε τῆσδ' ἔξω πέτρας

667

χαίροντες, οὐδὲν ὄντες· ἐν πύλαισι γὰρ

668

σταθεὶς φάραγγος τῆσδ' ἐναρμόσω χέρας.

669

{Χο.} τί χρῆμ' ἀυτεῖς, ὦ Κύκλωψ; {Κυ.} ἀπωλόμην.

670

{Χο.} αἰσχρός γε φαίνηι. {Κυ.} κἀπὶ τοῖσδέ γ' ἄθλιος.

671

{Χο.} μεθύων κατέπεσες ἐς μέσους τοὺς ἄνθρακας;

672

{Κυ.} Οὖτίς μ' ἀπώλες'. {Χο.} οὐκ ἄρ' οὐδείς 〈ς'〉 ἠδίκει.

673

{Κυ.} Οὖτίς με τυφλοῖ βλέφαρον. {Χο.} οὐκ ἄρ' εἶ τυφλός.

674

{Κυ.} †ὣς δὴ σύ†. {Χο.} καὶ πῶς ς' οὔτις ἂν θείη τυφλόν;

675

{Κυ.} σκώπτεις. ὁ δ' Οὖτις ποῦ 'στιν; {Χο.} οὐδαμοῦ, Κύκλωψ.

676

{Κυ.} ὁ ξένος ἵν' ὀρθῶς ἐκμάθηις μ' ἀπώλεσεν,

677

ὁ μιαρός, ὅς μοι δοὺς τὸ πῶμα κατέκλυσεν.

678

{Χο.} δεινὸς γὰρ οἷνος καὶ παλαίεσθαι βαρύς.

679

{Κυ.} πρὸς θεῶν, πεφεύγας' ἢ μένους' ἔσω δόμων;

680

{Χο.} οὗτοι σιωπῆι τὴν πέτραν ἐπήλυγα

681

λαβόντες ἑστήκασι. {Κυ.} ποτέρας τῆς χερός;

682

{Χο.} ἐν δεξιᾶι σου. {Κυ.} ποῦ; {Χο.} πρὸς αὐτῆι τῆι πέτραι.

683

ἔχεις; {Κυ.} κακόν γε πρὸς κακῶι· τὸ κρανίον

684

παίσας κατέαγα. {Χο.} καί σε διαφεύγουσί γε.

685

{Κυ.} οὐ τῆιδέ πηι, τῆιδ' εἶπας; {Χο.} οὔ· ταύτηι λέγω.

686

{Κυ.} πῆι γάρ; {Χο.} περιάγου κεῖσε, πρὸς τἀριστερά.

687

{Κυ.} οἴμοι γελῶμαι· κερτομεῖτέ μ' ἐν κακοῖς.

688

{Χο.} ἀλλ' οὐκέτ', ἀλλὰ πρόσθεν οὗτός ἐστι σοῦ.

689

{Κυ.} ὦ παγκάκιστε, ποῦ ποτ' εἶ; {Οδ.} τηλοῦ σέθεν

690

φυλακαῖσι φρουρῶ σῶμ' Ὀδυσσέως τόδε.

691

{Κυ.} πῶς εἶπας; ὄνομα μεταβαλὼν καινὸν λέγεις.

692

{Οδ.} ὅπερ μ' ὁ φύσας ὠνόμαζ' Ὀδυσσέα.

693

δώσειν δ' ἔμελλες ἀνοσίου δαιτὸς δίκας·

694

καλῶς γὰρ ἂν Τροίαν γε διεπυρώσαμεν

695

εἰ μή ς' ἑταίρων φόνον ἐτιμωρησάμην.

696

{Κυ.} αἰαῖ· παλαιὸς χρησμὸς ἐκπεραίνεται·

697

τυφλὴν γὰρ ὄψιν ἐκ σέθεν σχήσειν μ' ἔφη

698

Τροίας ἀφορμηθέντος. ἀλλὰ καὶ σέ τοι

699

δίκας ὑφέξειν ἀντὶ τῶνδ' ἐθέσπισεν,

700

πολὺν θαλάσσηι χρόνον ἐναιωρούμενον.

701

{Οδ.} κλαίειν ς' ἄνωγα· καὶ δέδραχ' ὅπερ λέγω.

702

ἐγὼ δ' ἐπ' ἀκτὰς εἶμι καὶ νεὼς σκάφος

703

ἥσω 'πὶ πόντον Σικελὸν ἔς τ' ἐμὴν πάτραν.

704

{Κυ.} οὐ δῆτ', ἐπεί σε τῆσδ' ἀπορρήξας πέτρας

705

αὐτοῖσι συνναύταισι συντρίψω βαλών.

706

ἄνω δ' ἐπ' ὄχθον εἶμι, καίπερ ὢν τυφλός,

707

δι' ἀμφιτρῆτος τῆσδε προσβαίνων ποδί.

708

{Χο.} ἡμεῖς δὲ συνναῦταί γε τοῦδ' Ὀδυσσέως

709

ὄντες τὸ λοιπὸν Βακχίωι δουλεύσομεν.

{ΑΛΚΗΣΤΙΣ}{ΑΠΟΛΛΩΝ} Ὦ δώματ' Ἀδμήτει', ἐν οἷς ἔτλην ἐγὼ θῆσσαν τράπεζαν αἰνέσαι θεός περ ὤν. Ζεὺς γὰρ κατακτὰς παῖδα τὸν ἐμὸν αἴτιος Ἀσκληπιόν, στέρνοισιν ἐμβαλὼν φλόγα· οὗ δὴ χολωθεὶς τέκτονας Δίου πυρὸς κτείνω Κύκλωπας· καί με θητεύειν πατὴρ θνητῶι παρ' ἀνδρὶ τῶνδ' ἄποιν' ἠνάγκασεν. ἐλθὼν δὲ γαῖαν τήνδ' ἐβουφόρβουν ξένωι καὶ τόνδ' ἔσωιζον οἶκον ἐς τόδ' ἡμέρας. ὁσίου γὰρ ἀνδρὸς ὅσιος ὢν ἐτύγχανον παιδὸς Φέρητος, ὃν θανεῖν ἐρρυσάμην, Μοίρας δολώσας· ἤινεσαν δέ μοι θεαὶ Ἄδμητον Ἅιδην τὸν παραυτίκ' ἐκφυγεῖν, ἄλλον διαλλάξαντα τοῖς κάτω νεκρόν. πάντας δ' ἐλέγξας καὶ διεξελθὼν φίλους, [πατέρα γεραιάν θ' ἥ σφ' ἔτικτε μητέρα,] οὐχ ηὗρε πλὴν γυναικὸς ὅστις ἤθελεν θανὼν πρὸ κείνου μηκέτ' εἰσορᾶν φάος· ἣν νῦν κατ' οἴκους ἐν χεροῖν βαστάζεται ψυχορραγοῦσαν· τῆιδε γάρ σφ' ἐν ἡμέραι θανεῖν πέπρωται καὶ μεταστῆναι βίου. ἐγὼ δέ, μὴ μίασμά μ' ἐν δόμοις κίχηι, λείπω μελάθρων τῶνδε φιλτάτην στέγην. ἤδη δὲ τόνδε Θάνατον εἰσορῶ πέλας, ἱερέα θανόντων, ὅς νιν εἰς Ἅιδου δόμους μέλλει κατάξειν· συμμέτρως δ' ἀφίκετο, φρουρῶν τόδ' ἦμαρ ὧι θανεῖν αὐτὴν χρεών.{ΘΑΝΑΤΟΣ} ἆ ἆ· τί σὺ πρὸς μελάθροις; τί σὺ τῆιδε πολεῖς, Φοῖβ'; ἀδικεῖς αὖ τιμὰς ἐνέρων ἀφοριζόμενος καὶ καταπαύων; οὐκ ἤρκεσέ σοι μόρον Ἀδμήτου διακωλῦσαι, Μοίρας δολίωι σφήλαντι τέχνηι; νῦν δ' ἐπὶ τῆιδ' αὖ χέρα τοξήρη φρουρεῖς ὁπλίσας, ἣ τόδ' ὑπέστη, πόσιν ἐκλύσας' αὐτὴ προθανεῖν Πελίου παῖς;{Απ.} θάρσει· δίκην τοι καὶ λόγους κεδνοὺς ἔχω.{Θα.} τί δῆτα τόξων ἔργον, εἰ δίκην ἔχεις;{Απ.} σύνηθες αἰεὶ ταῦτα βαστάζειν ἐμοί.{Θα.} καὶ τοῖσδέ γ' οἴκοις ἐκδίκως προσωφελεῖν.{Απ.} φίλου γὰρ ἀνδρὸς συμφοραῖς βαρύνομαι.{Θα.} καὶ νοσφιεῖς με τοῦδε δευτέρου νεκροῦ;{Απ.} ἀλλ' οὐδ' ἐκεῖνον πρὸς βίαν ς' ἀφειλόμην.{Θα.} πῶς οὖν ὑπὲρ γῆς ἐστι κοὐ κάτω χθονός;{Απ.} δάμαρτ' ἀμείψας, ἣν σὺ νῦν ἥκεις μέτα.{Θα.} κἀπάξομαί γε νερτέραν ὑπὸ χθόνα.{Απ.} λαβὼν ἴθ'· οὐ γὰρ οἶδ' ἂν εἰ πείσαιμί σε.{Θα.} κτείνειν γ' ὃν ἂν χρῆι; τοῦτο γὰρ τετάγμεθα.