Διθύραμβοι

Ode 15 Ἀν]τηνορίδαι [ἢ Ἑλένη]ς Ἀπαίτησις

1Ἀντήνορος] ἀντιθέου

2!!!!!!]ρ̣α̣κ̣ο̣ι̣τ̣ις Ἀθάνας πρόσπολος,

3ׯ˘¯¯] Παλλάδος ὀρσιμάχου

4¯¯˘¯¯ χ]ρυσέας

5¯˘¯¯¯˘ ]ν Ὀδυσσεῖ

6Λαρτιᾴδᾳ Μενελ]άῳ τʼ Ἀτρεΐδᾳ βασιλεῖ

7¯ ˘ ¯ ¯ ¯ βαθύ]ζωνος Θεανὼ

8¯ ¯ ˘ ˘ ¯ ˘ ˘]ον

9× ¯ ˘ ˘ ¯ ˘ ˘ ¯] προσήνεπεν

10× ¯ ˘ ¯ ¯ ¯ ˘ ἐ]ϋκτιμέναν

11¯ ¯ ˘ ¯ ¯ ¯ ˘ ¯

12¯ ˘ ¯ ¯ ¯ ˘ ¯ ¯]δ̣ων τυχόντες

13¯ ˘ ˘ ¯ ˘ ˘ ¯ ¯ ¯ ˘ ˘ ¯] σὺν θεοῖς

14¯ ˘ ¯ ¯ ¯ ˘ ¯ ¯ ¯ ˘ ¯]ους

22¯ ¯ ˘˘ ¯ ˘˘ ¯

23¯ ¯ ˘˘ ¯ μεσονύ]κτιος κέαρ

36¯ ¯ ˘ ¯ ¯ ¯ ˘˘ ¯ ˘˘ ¯

37ἆγον, πατὴρ δʼ εὔβουλος ἥρως

38πάντα σάμαινεν Πριάμῳ βασιλεῖ

39παίδεσσί τε μῦθον Ἀχαιῶν.

40ἔνθα κάρυκες διʼ εὐ-

41ρεῖαν πόλιν ὀρνύμενοι

42Τρώων ἀόλλιζον φάλαγγας

43δεξίστρατον εἰς ἀγοράν.

44παντᾷ δὲ διέδραμεν αὐδάεις λόγος·

45θεοῖς δʼ ἀνίσχοντες χέρας ἀθανάτοις

46εὔχοντο παύσασθαι δυᾶν.

47Μοῦσα, τίς πρῶτος λόγων ἆρχεν δικαίων;

48Πλεισθενίδας Μενέλαος γάρυϊ θελξιεπεῖ

49φθέγξατʼ, εὐπέπλοισι κοινώσας Χάρισσιν·

50ὦ Τρῶες ἀρηΐφιλοι,

51Ζεὺς ὑψιμέδων, ὃς ἅπαντα δέρκεται,

52οὐκ αἴτιος θνατοῖς μεγάλων ἀχέων,

53ἀλλʼ ἐν μέσῳ κεῖται κιχεῖν

54πᾶσιν ἀνθρώποις Δίκαν ἰθεῖαν, ἁγνᾶς

55Εὐνομίας ἀκόλουθον καὶ πινυτᾶς Θέμιτος·

56ὀλβίων παῖδές νιν αἱρεῦνται σύνοικον.

57ἁ δʼ αἰόλοις κέρδεσσι καὶ ἀφροσύναις

58ἐξαισίοις θάλλουσʼ ἀθαμβὴς

59Ὕβρις, ἃ πλ[οῦτον] δύναμίν τε θοῶς

60ἀλλότριον ὤπασεν, αὖτις

61δʼ ἐς βαθὺν πέμπει φθόρον,

62κείνα καὶ ὑπερφιάλους

63Γᾶς παῖδας ὤλεσσεν Γίγαντας.

Ode 16 [Ἡρακλῆς]

1Πυθ]ίου [ἔπʼ εἶμʼ], ἐπεὶ

2ὁλκ]άδʼ ἔπεμψεν ἐμοὶ χρυσέαν

3Πιερ]ίαθε[ν ἐΰθ]ρονος Οὐρανία,

4πολυφ]άτων γέμουσαν ὕμνων

5!!!!!]ν̣ εἴτʼ ἄρʼ ἐπʼ ἀνθεμόεντι Ἕβρῳ

6!!!!! ἀ]γάλλεται ἢ δολιχαύχενι κύκνῳ,

7ὀπὶ ἁ]δεΐᾳ φρένα τερπόμενος,

8!!!!!!]δʼ ἵκῃ παιηόνων

9ἄνθεα πεδοιχνεῖν,

10Πύθιʼ Ἄπολλον,

11τόσα χοροὶ Δελφῶν

12σὸν κελάδησαν παρʼ ἀγακλέα ναόν.

13πρίν γε κλέομεν λιπεῖν

14Οἰχαλίαν πυρὶ δαπτομέναν

15Ἀμφιτρυωνιάδαν θρασυμηδέα φῶ-

16θʼ, ἵκετο δʼ ἀμφικύμονʼ ἀκτάν·

17ἔνθʼ ἀπὸ λαΐδος εὐρυνεφεῖ Κηναίῳ

18Ζηνὶ θύεν βαρυαχέας ἐννέα ταύρους

19δύο τʼ ὀρσιάλῳ δαμασίχθονι μέλ-

20λε κόρᾳ τʼ ὀβριμοδερκεῖ ἄζυγα

21παρθένῳ Ἀθάνᾳ

22ὑψικέραν βοῦν.

23τότʼ ἄμαχος δαίμων

24Δαϊανείρᾳ πολύδακρυν ὕφανε

25μῆτιν ἐπίφρονʼ, ἐπεὶ

26πύθετʼ ἀγγελίαν ταλαπενθέα,

27Ἰόλαν ὅτι λευκώλενον

28Διὸς υἱὸς ἀταρβομάχας

29ἄλοχον λιπαρὸ[ν π]οτὶ δόμον πέμποι.

30ἆ δύσμορος, ἆ τάλαινʼ, οἷον ἐμήσατο·

31φθόνος εὐρυβίας νιν ἀπώλεσεν,

32δνόφεόν τε κάλυμμα τῶν

33ὕστερον ἐρχομένων,

34ὅτʼ ἐπὶ ῥοδόεντι Λυκόρμᾳ

35δέξατο Νέσσου πάρα δαιμόνιον τέρ[ας.

Ode 17 Ηίθεοι [ἢ] Θησεύς

1Κυανόπρῳρα μὲν ναῦς μενέκτυπον

2Θησέα δὶς ἑπτά τʼ ἀγλαοὺς ἄγουσα

3κούρους Ἰαόνων

4Κρητικὸν τάμνε πέλαγος·

5τηλαυγέϊ γὰρ [ἐν] φάρεϊ

6βορήϊαι πίτνον αὖραι

7κλυτᾶς ἕκατι π[ο]λεμαίγιδος Ἀθάνας·

8κνίσεν τε Μίνωϊ κέαρ

9ἱμεράμπυκος θεᾶς

10Κύπριδος αἰνὰ δῶρα·

11χεῖρα δʼ οὐκέτι παρθενικᾶς

12ἄτερθʼ ἐράτυεν, θίγεν

13δὲ λευκᾶν παρηΐδων·

14βόασέ τʼ Ἐρίβοια χαλκο-

15θώρακα Πανδίονος

16ἔκγονον· ἴδεν δὲ Θησεύς,

17μέλαν δʼ ὑπʼ ὀφρύων

18δίνασεν ὄμμα, καρδίαν τέ ϝοι

19σχέτλιον ἄμυξεν ἄλγος,

20εἶρέν τε· Διὸς υἱὲ φερτάτου,

21ὅσιον οὐκέτι τεᾶν

22ἔσω κυβερνᾷς φρενῶν

23θυμόν· ἴσχε μεγαλοῦχον ἥρως βίαν.

24ὅ τι μὲν ἐκ θεῶν μοῖρα παγκρατὴς

25ἄμμι κατένευσε καὶ Δίκας ῥέπει τά-

26λαντον, πεπρωμέναν

27αἶσαν ἐκπλήσομεν, ὅταν

28ἔλθῃ· σὺ δὲ βαρεῖαν κάτε-

29χε μῆτιν. εἰ καί σε κεδνὰ

30τέκεν λέχει Διὸς ὑπὸ κρόταφον Ἴδας

31μιγεῖσα Φοίνικος ἐρα-

32τώνυμος κόρα βροτῶν

33φέρτατον, ἀλλὰ κἀμὲ

34Πιτθέος θυγάτηρ ἀφνεοῦ

35πλαθεῖσα ποντίῳ τέκεν

36Ποσειδᾶνι, χρύσεον

37τέ ϝοι δόσαν ἰόπλοκοι

38κάλυμμα Νηρηΐδες.

39τῶ σε, πολέμαρχε Κνωσίων,

40κέλομαι πολύστονον

41ἐρύκεν ὕβριν· οὐ γὰρ ἂν θελοι-

42μʼ ἀμβρότου ἐραννὸν Ἀοῦς

43ἰδεῖν φάος, ἐπεί τινʼ ἠϊθ έω ν

44σὺ δαμάσειας ἀέκον-

45τα· πρόσθε χειρῶν βίαν

46δείξομεν· τὰ δʼ ἐπιόντα δαίμων κρινεῖ.

47τόσʼ εἶ]πεν ἀρέταιχμος ἥρως·

48τάφον δὲ ναυβάται

49φωτὸς] ὑπεράφανον

50θάρσος· Ἁλίου τε γαμβρῷ χολώ[σατʼ ἦτορ,

51ὕφαινέ τε ποταινίαν

52μῆτιν, εἶπέν τε· μεγαλοσθενὲς

53Ζεῦ πάτερ, ἄκουσον· εἴπερ μ[ε κούρ]α

54Φοίνισσα λευκώλενος σοὶ τέκε,

55νῦν πρόπεμπʼ ἀπʼ οὐρανοῦ θ[οὰν

56πυριέθειραν ἀστραπὰν

57σᾶμʼ ἀρίγνωτον· εἰ

58δὲ καὶ σὲ Τροιζηνία σεισίχθονι

59φύτευσεν Αἴθρα Ποσει-

60δᾶνι, τόνδε χρύσεον

61χειρὸς ἀγλαὸν

62ἔνεγκε κόσμον ἐκ βαθείας ἁλός,

63δικὼν θράσει σῶμα πατρὸς ἐς δόμους.

64εἴσεαι δʼ αἴ κʼ ἐμᾶς κλύῃ

65Κρόνιος εὐχᾶς

66ἀναξιβρόντας ὁ πάντων μεδ έω ν.

67κλύε δʼ ἄμετρον εὐχὰν μεγασθενὴς

68Ζεύς, ὑπέροχόν τε Μίνωϊ φύτευσε

69τιμὰν φίλῳ θέλων

70παιδὶ πανδερκέα θέμεν,

71ἄστραψέ θʼ· ὁ δὲ θυμάρμενον

72ἰδὼν τέρας πέτασε χεῖρας

73κλυτὰν ἐς αἰθέρα μενεπτόλεμος ἥρως,

74εἶρέν τε· Θησεῦ, σὺ τάδε

75μὲν βλέπεις σαφῆ Διὸς

76δῶρα· σὺ δʼ ὄρνυʼ ἐς βα-

77ρύβρομον πέλαγος· Κρονίδας

78δέ τοι πατὴρ ἄναξ τελεῖ

79Ποσειδὰν ὑπέρτατον

80κλέος χθόνα κατʼ ἠΰδενδρον.

81ὣς εἶπε· τῷ δʼ οὐ πάλιν

82θυμὸς ἀνεκάμπτετʼ, ἀλλʼ εὐ-

83πάκτων ἐπʼ ἰκρίων

84σταθεὶς ὄρουσε, πόντιόν τέ νιν

85δέξατο θελημὸν ἄλσος.

86τά[φ]εν δὲ Διὸς υἱὸς ἔνδοθεν

87κέαρ, κέλευσέ τε κατʼ οὖ-

88ρον ἴσχεν εὐδαίδαλον

89νᾶα· μοῖρα δʼ ἑτέραν ἐπόρσυνʼ ὁδόν.

90ἵετο δʼ ὠκύπομπον δόρυ· σόει

91νιν βορεὰς ἐξόπιν πνέουσʼ ἀήτα·

92τρέσσαν δʼ Ἀθαναίων

93ἠϊθ έω ν πᾶν γένος, ἐπεὶ

94ἥρως θόρεν πόντονδε, κα-

95τὰ λειρίων τʼ ὀμμάτων δά-

96κρυ χ έο ν, βαρεῖαν ἐπιδέγμενοι ἀνάγκαν·

97φέρον δὲ δελφῖνες ἁλι-

98ναιέται μέγαν θοῶς

99Θησέα πατρὸς ἱππί-

100ου δόμον, μέγαρόν τε θεῶν

101μόλεν· τόθι κλυτὰς ἰδὼν

102ἔδεισʼ ὀλβίοιο Νη-

103ρέος κόρας· ἀπὸ γὰρ ἀγλα-

104ῶν λάμπε γυίων σέλας

105ὧτε πυρός, ἀμφὶ χαίταις

106δὲ χρυσεόπλοκοι

107δίνηντο ταινίαι· χορῷ δʼ ἔτερ-

108πον κέαρ ὑγροῖσι ποσσίν·

109σεμνάν τε πατρὸς ἄλοχον φίλαν

110ἴδε βοῶπιν ἐρατοῖ-

111σιν Ἀμφιτρίταν δόμοις·

112ἅ νιν ἀμφέβαλεν αἰόλαν πορφύραν,

113κόμαισί τʼ ἐπέθηκεν οὔλαις

114ἀμεμφέα πλόκον,

115τόν ποτέ ϝοι ἐν γάμῳ

116δῶκε δόλιος Ἀφροδίτα ῥόδοις ἐρεμνόν.

117ἄπιστον ὅ τι δαίμονες

118θ έω σιν οὐδὲν φρενοάραις βροτοῖς·

119νᾶα παρὰ λεπτόπρυμνον φάνη· φεῦ,

120οἵαισιν ἐν φροντίσι Κνώσιον

121ἔσχασεν στραταγέταν, ἐπεὶ

122μόλʼ ἀδίαντος ἐξ ἁλὸς

123θαῦμα πάντεσσι, λάμ-

124πε δʼ ἀμφὶ γυίοις θεῶν δῶρʼ, ἀγλαό-

125θρονοί τε κοῦραι σὺν εὐ-

126θυμία νεοκτίτῳ

127ὠλόλυξαν, ἔ-

128κλαγεν δὲ πόντος· ἠΐθ εο ι δʼ ἐγγύθεν

129νέοι παιάνιξαν ἐρατᾷ ϝοπί.

130Δάλιε, χοροῖσι Κηΐων

131φρένα ἰανθεὶς

132ὄπαζε θ εό πομπον ἐσθλῶν τύχαν.

Ode 18 Θησεύς

Χορός

1βασιλεῦ τᾶν ἱερᾶν Ἀθανᾶν,

2τῶν ἁβροβίων ἄναξ Ἰώνων,

3τί νέον ἔκλαγε χαλκοκώδων

4σάλπιγξ πολεμηΐαν ἀοιδάν;

5ἦ τις ἁμετέρας χθονὸς

6δυσμενὴς ὅριʼ ἀμφιβάλλει

7στρατα·γέτας ἀνήρ;

8ἢ λῃσταὶ κακομάχανοι

9ποιμένων ἀέκατι μήλων

10σεύοντʼ ἀγέλας βίᾳ;

11ἢ τί τοι κραδίαν ἀμύσσει;

12φθέγγευ· δοκέω γὰρ εἴ τινι βροτῶν

13ἀλκίμων ἐπικουρίαν

14καὶ τὶν ἔμμεναι νέων,

15ὦ Πανδίονος υἱὲ καὶ Κρεούσας.

Αἰγεύς

16νέ]ον ἦλθεν δολιχὰν ἀμείψας

17κᾶρυξ ποσὶν Ἰσθμίαν κέλευθον·

18ἄφατα δʼ ἔργα λέγει κραταιοῦ

19φωτός· τὸν ὑπέρβιόν τʼ ἔπεφνεν

20Σίνιν, ὃς ἰσχύϊ φέρτατος

21θνατῶν ἦν, Κρονίδα Λυταίου

22σεισίχθονος τέκος·

23σῦν τʼ ἀνδροκτόνον ἐν νάπαις

24Κρεμμυῶνος, ἀτάσθαλόν τε

25Σκίρωνα κατέκτανεν·

26τάν τε Κερκυόνος παλαίστραν

27ἔσχεν, Πολυπήμονός τε καρτερὰν

28σφῦραν ἐξέβαλεν Προκό-

29πτας, ἀρείονος τυχὼν

30φωτός. ταῦτα δέδοιχʼ ὅπᾳ τελεῖται.

Χορός

31τίνα δʼ ἔμμεν πόθεν ἄνδρα τοῦτον

32λέγει, τίνα τε στολὰν ἔχοντα;

33πότερα σὺν πολεμηΐοις ὅ-

34πλοισι στρατιὰν ἄγοντα πολλάν;

35ἢ μοῦνον σὺν ὀπ.άοσιν

36στείχειν ἔμπορον οἷʼ ἀλάταν

37ἐπʼ ἀλλοδαμίαν,

38ἰσχυρόν τε καὶ ἄλκιμον

39ὧδε καὶ θρασύν, ὅς τε τούτων

40ἀνδρῶν κρατερὸν σθένος

41ἔσχεν; ἦ θεὸς αὐτὸν ὁρμᾷ,

42δίκας ἀδίκοισιν ὄφρα μήσεται·

43οὐ γὰρ ῥᾴδιον αἰὲν ἔρ-

44δοντα μὴ ʼντυχεῖν κακῷ.

45πάντʼ ἐν τῷ δολιχῷ χρόνῳ τελεῖται.

Αἰγεύς

46δύο ϝοι φῶτε μόνους ἁμαρτεῖν

47λέγει, περὶ φαιδίμοισι δʼ ὤμοις

48ξίφος ἔχειν ἐλεφαντόκωπον ·

49ξεστοὺς δὲ δύʼ ἐν χέρεσσʼ ἄκοντας

50κηὔτυκτον κυνέαν Λάκαι-

51ναν κρατὸς πέρι πυρσοχαίτου·

52στέρνοις τε πορφύρ εο ν

53χιτῶνʼ ἄμφι, καὶ οὔλιον

54Θεσσαλὰν χλαμύδʼ· ὀμμάτων δὲ

55στίλβειν ἄπο Λαμνίαν

56φοίνισσαν φλόγα· παῖδα δʼ ἔμμεν

57πρώθηβον, ἀρηΐων δʼ ἀθυρμάτων

58μεμνᾶσθαι πολέμου τε καὶ

59χαλκεοκτύπου μάχας·

60δίζησθαι δὲ φιλαγλάους Ἀθάνας.

Ode 19 Ιώ Ἀθηναίοις

1πάρεστι μυρία κέλευθος

2ἀμβροσίων μελέων,

3ὃς ἂν παρὰ Πιερίδων λά-

4χῃσι δῶρα Μουσᾶν,

5ἰοβλέφαροί τε καὶ

6φερεστέφανοι Χάριτες

7βάλωσιν ἄμφι τιμὰν

8ὕμνοισιν· ὕφαινέ νυν ἐν

9ταῖς πολυηράτοις τι κλεινὸν

10ὀλβίαις Ἀθάναις,

11εὐαίνετε Κηϊα μέριμνα.

12πρέπει σε φερτάταν ἴμεν

13ὁδὸν παρὰ Καλλιόπας λα-

14χοῖσαν ἔξοχον γέρας.

15ἦεν Ἄργος ὅθʼ ἵππιον λιποῦσα

16φεῦγε χρυσέα βοῦς,

17εῦρυσθενέος φραδαῖσι φερτάτου Διός,

18Ἰνάχου ῥοδοδάκτυλος κόρα·

19ὅτʼ Ἄργον ὄμμασιν βλέποντα

20πάντοθεν ἀκαμάτοις

21μεγιστοάνασσα κέλευσε

22χρυσόπεπλος Ἥρα

23ἄκοιτον ἄϋπνον ἐό ν-

24τα καλλικέραν δάμαλιν

25φυλάσσεν· οὐδὲ Μαίας

26υἱὸς δύνατʼ οὔτε κατʼ εὐ-

27φεγγέας ἁμέρας λαθεῖν νιν

28οὔτε νύκτας ἁγν[άς.

29εἴτʼ οὖν γένετʼ ἐ[ν ˘¯˘¯˘

30ποδαρκέʼ ἄγγελο[ν Διὸς

31κτανεῖν τότε [Γᾶς ˘˘¯˘

32ὀβριμοσπόρου λ[˘×

33Ἄργον· ἤ ῥα καὶ [¯˘¯˘¯˘

34ἄσπετοι μέριμν[αι·

35ἢ Πιερίδες φύτευ[σαν ¯˘¯˘×

36καδέων ἀνάπαυσ[ιν ¯˘×

37ἐμοὶ μὲν οὖν

38ἀσφαλέστατον ἁ προ[

39ἐπεὶ παρʼ ἀνθεμώ[δεα

40Νεῖλον ἀφίκετʼ ο[ἰστροπλὰξ

41Ἰὼ φέρουσα παῖδ[α !!!

42Ἔπαφον· ἔνθα νι[ν !!!

43λινοστόλων πρύ[τανιν !!

44ὑπερόχῳ βρύοντ[α !!!

45μεγίσταν τε θνα[τῶν !!

46ὅθεν καὶ Ἀγανορί[δας

47ἐν ἑπταπύλοισ[ι Θήβαις

48Κάδμος Σεμέλ[αν φύτευσεν,

49ἃ τὸν ὀρσιβάκχαν

50τίκτεν Διόνυσον, [!!!!

51καὶ χορῶν στεφα[νοφόρων ἄνακτα.

Ode 20 Ἴδας Λακεδαιμονίοις

1Σπάρτᾳ ποτʼ ἐν ε[ὐρυχόρῳ

2ξανθαὶ Λακεδαιμον[ίων

3τοιόνδε μέλος κ[όραι ὕμνευν,

4ὅτʼ ἄγετο καλλιπά[ρᾳον

5κόραν θρασυκάρ[διος Ἴδας

6Μάρπησσαν ἰότ[!!!!

7φυγὼν θανάτου τ[!!!!!

8ἀναξίαλος Ποσει[δὰν !!!!

9ἵππους τέ ϝοι ἰσαν[έμους

10Πλευρῶνʼ ἐς ἐϋκτ[ιμέναν

11χρυσάσπιδος υἱὸ[ν Ἄρηος