Fragmenta

{Ἀργώ}

†ὃν† σοφὸν σοφὰν λαβοῦσαν οὐκ ἐπέλπομαι νόωι

δρυμοῖς ὀρείοις ὄργανον

δίαν Ἀθάναν δυσόφθαλμον αἶσχος ἐκφοβη- θεῖσαν αὖθις χερῶν ἐκβαλεῖν

νυμφαγενεῖ χειροκτύπωι φηρὶ Μαρσύαι κλέος·

τί γάρ νιν εὐηράτοιο κάλλεος ὀξὺς ἔρως ἔτειρεν,

ἇι παρθενίαν ἄγαμον καὶ ἄπαιδ' ἀπένειμε Κλωθώ;

ἀλλὰ μάταν ἀχόρευτος ἅδε ματαιολόγων

φάμα προσέπταθ' Ἑλλάδα μουσοπόλων

σοφᾶς ἐπίφθονον βροτοῖς τέχνας ὄνειδος.

ἃν συνεριθοτάταν Βρομίωι παρέδωκε σεμνᾶς

δαίμονος ἀερόεν πνεῦμ' αἰολοπτέρυγον

σὺν ἀγλαᾶν ὠκύτατι χειρῶν.

{Ἀσκληπιός}

ἢ Φρύγα καλλιπνόων αὐλῶν ἱερῶν βασιλῆα,

Λυδὸν ὃς ἅρμοσε πρῶτος

Δωρίδος ἀντίπαλον μούσας †νομοαίολον ὀρφναι†

πνεύματος εὔπτερον αὔραν ἀμφιπλέκων καλάμοις.

{Διθύραμβος· Ὑμέναιος}

ἄλλος δ' ἄλλαν κλαγγὰν ἱεὶς

κερατόφωνον ἐρέθιζε μάγαδιν

πενταρράβδωι χορδᾶν ἀρθμῶι

χέρα καμψιδίαυλον ἀναστρωφῶν τάχος.

πρῶτοι παρὰ κρατῆρας Ἑλλάνων ἐν αὐλοῖς

συνοπαδοὶ Πέλοπος Ματρὸς ὀρείας

Φρύγιον ἄεισαν νόμον·

τοὶ δ' ὀξυφώνοις πηκτίδων ψαλμοῖς κρέκον

Λύδιον ὕμνον.

ἄκατον