Fragmenta et tituli

{Ἁλιευτικόν}

ἢ λευκὴν συνόδοντα βόηκάς τε τριγκούς τε

ἠβαιῇ καρῖδι καὶ εἴ ποτε βεμβράδι, κείνῃ

ζωῇ ἔπ' ἀγρώσσοις· τάδε 〈δὴ〉 σκέψαιο δέλετρα

ὕκην ἢ κάλλιχθυν, ὁτὲ χρόμιν, ἄλλοτε δ' ὀρφὸν

ἢ γλαῦκον περόωντα κατὰ μνία σιγαλόεντα

ἢ σκάρον ἢ κῶθον τροφίην καὶ ἀναιδέα λίην

χάννους τ' ἐγχέλυάς τε καὶ ἐννυχίην πίτυνον

ἢ μύας ἢ ἵππους ἠὲ γλαυκὴν κορύδυλιν.

γλαύκους ἢ ὀρφῶν ἔναλον γένος ἠὲ μελάγχρων

κόσσυφον ἢ κίχλας ἁλιειδέας, ἄλλοτε δ' ἄλλῃ

σάργον ἐπικέλσοντα, λινοπληγέστατον ἰχθύν.

τοῖσί κεν ἄρμενα πάντα παροπλίσσαιο δέλετρα

κουρύλον ἢ πειρῆνα ἢ εἰναλίην ἕρπηλαν

ἄλλοτε καρχαρίην, ὁτὲ δὲ ῥόθιον ψαμαθῖδα

ῥηϊδίως ἕλκοιτο καὶ αἰολίην κορακῖνον

ἄλλοτε δ' αὖ πέρκας, ὁτὲ δὲ στροφάδας παρὰ πέτρην

φυκίδας ἀλφηστήν τε καὶ ἐν χροιῇσιν ἐρυθρὸν

σκορπίον ἢ πέρκαισι καθηγητὴν μελάνουρον

τοῖσί κε θηρήσαιο λαβεῖν λελιημένος ἰχθὺν

ἠὲ μέγαν συνόδοντ' ἢ ἀρνευτὴν ἵππουρον

ἠὲ φάγρον λοφίην, ὁτὲ δ' ἀγρόμενον σκιαδῆα.

†ἀκονίας κιγκάλους τε καὶ ἀλλοπίην τράχουρον†

κανθαρίδα προφανεῖσαν ὕαινάν τε τρίγλην τε

ἢ σπάρον ἢ ὕκας ἀγεληΐδας ἢ ἐπὶ φάγρον

πέτρῃ ἀλωόμενον

φύλλων δ' ὅσς' ἄσπαρτα τά τ' ἐρρίζωται ἀρούραις

χείματος ἠδ' ὁπόταν πολυάνθεμον εἶαρ ἵκηται,

αὐχμηρὴν σκόλυμόν τε καὶ ἀγριάδα σταφυλῖνον,

†ῥάφιν τ' ἔμπεδον† καὶ καυ〈κα〉λίδ' ἀγροιῶτιν.

κεῖνο δὲ δὴ σκέπτοιο, τό κεν καὶ ἰουλίδα μάργον

πολλὸν ἀποτροπ〈ό〉ῳτο καὶ ἰοβόλον σκολόπενδραν

καὶ δὲ σύ γε μνήσαιο δελείατος, ὅττι παρ' ἄκρα

δήεις αἰγιαλοῖο γεώλοφα· οἱ μὲν ἴουλοι

κέκληνται, μέλανες, γαιηφάγοι, ἔντερα γαίης.

ἠὲ καὶ ἑρπήλας δολιχήποδας, ὁππότε πέτραι

ἀμμώδεις κλύζωνται ἐπ' ἄκρῃ κύματος ἀγῇ,

ἔνθεν ὀρύξασθαι θέμεναί τ' εἰς ἄγγος ἀολλεῖς.

ἄλλοτ' ἐρυθρὸν

κόκκυγ' ἢ ὀλίγας πεμφηρίδας, ἄλλοτε σαῦρον

ἢ ψόρον ἢ σάλπας ἢ αἰγιαλῆα δράκοντα

τοῖσί κεν εὐμαρέως θαλάμης ἄπο μακρὸν ἀείροις

σκορπίον ἢ ὀρφὸν περιτρηχέα· τῶν γὰρ ἐπ' ἄκρης!!!

σὺ δ' ἂν καὶ χαλκίδ' ἐκείνην

αὕτως ἀμπείραις ὀλίγην καὶ μαινίδα 〈 〉

{Θηριακόν}

[ ]ὑπόχλωρόν 〈γε〉 μὲν ἕλκος

κοιλαίνει, τὸ δὲ πολλὸν ἀνέδραμεν αὐτόθεν οἶδος

ῥέθεσίν γε μὲν εἴδετ' ἔπ' ἰχὼρ

ἠερόεις, τότε δ' αὖ μολίβῳ ἐναλίγκιον εἶδος

ἀμφί ἑ κυμαίνει χάλκῃ ἴσον

κιρράς