Fragmenta

{ΣΑΜΙΩΝ ΩΡΟΙ.}

{E LIBRO SECUNDO.}

Athenaeus XIII: Ἄλεξις δ' ὁ Σάμιος ἐν

δευτέρῳ Ὥρων Σαμιακῶν· «Τὴν ἐν Σάμῳ Ἀφροδί-

την, ἣν οἱ μὲν ἐν Καλάμοις καλοῦσιν, οἱ δὲ ἐν Ἕλει,

Ἀττικαὶ, φησὶν, ἑταῖραι ἱδρύσαντο αἱ συνακολουθήσα-

σαι Περικλεῖ, ὅτε ἐπολιόρκει τὴν Σάμον, ἐργασάμεναι

ἱκανῶς ἀπὸ τῆς ὥρας.»

{E LIBRO TERTIO.}

Idem XII: Ἄλεξις δ' ἐν τρίτῳ Σαμίων

ὥρων ἐκ πολλῶν πόλεών φησι κοσμηθῆναι τὴν Σάμον

ὑπὸ τοῦ Πολυκράτους, κύνας μὲν Μολοττικὰς καὶ Λα-

καίνας εἰσαγαγόντος, αἶγας δ' ἐκ Σκύρου καὶ Νάξου,

πρόβατα δ' ἐκ Μιλήτου καὶ τῆς Ἀττικῆς. Μετεστέλ-

λετο δὲ, φησὶ, καὶ τεχνίτας ἐπὶ μισθοῖς μεγίστοις.

Πρὸ δὲ τοῦ τυραννῆσαι κατασκευασάμενος στρωμνὰς

πολυτελεῖς καὶ ποτήρια ἐπέτρεπε χρῆσθαι τοῖς ἢ γά-

μον ἢ μείζονας ὑποδοχὰς ποιουμένοις. Ἐκ πάντων οὖν

τούτων ἄξιον θαυμάζειν τὸν τύραννον, ὅτι οὐδαμόθεν

ἀναγέγραπται γυναῖκας ἢ παῖδας μεταπεμψάμενος,

καίτοι περὶ τὰς τῶν ἀρρένων ὁμιλίας ἐπτοημένος, ὡς

καὶ ἀντερᾶν Ἀνακρέοντι τῷ ποιητῇ· ὅτε καὶ δι' ὀργὴν

ἀπέκειρε τὸν ἐρώμενον. Πρῶτος δὲ ὁ Πολυκράτης καὶ

ναῦς πήξας, ἀπὸ τῆς πατρίδος Σαμίας ἐκάλεσε.

{ΠΕΡΙ ΑΥΤΑΡΚΕΙΑΣ.}

Idem X: Αἰγυπτίους δ' Ἑκαταῖος ἀρτο-

φάγους φησὶν εἶναι, κυλλήστιας ἐσθίοντας, τὰς δὲ κρι-

θὰς εἰς ποτὸν καταλέοντας. Διὰ ταῦτα καὶ Ἄλεξις ἐν

τῷ Περὶ αὐταρκείας ἔφη, μετρίᾳ τροφῇ κεχρῆσθαι τὸν

Βόκχοριν καὶ τὸν πατέρα αὐτοῦ Νεόχαβιν.