Fragmenta

{εἰς Ἄτταλον}

{⊗} Πέργαμος οὐχ ὅπλοις κλεινὴ μόνον, ἀλλὰ καὶ ἵπποις

πολλάκις αὐδᾶται Πῖσαν ἀνὰ ζαθέην.

εἰ δὲ τὸν ἐκ Διόθεν θεμιτὸν θνητῷ νόον εἰπεῖν,

ἔσσεται εἰσαῦτις πολλὸν ἀοιδοτέρη. *

{εἰς Μηνόδωρον (epitaphium)}

{⊗} τηλοῦ μὲν Φρυγίη, τηλοῦ δ' ἱερὴ Θυάτειρα,

ὦ Μηνόδωρε, σὴ πατρίς, Καδαυάδη.

ἀλλὰ γὰρ εἰς Ἀχέροντα τὸν οὐ φατὸν ἶσα κέλευθα,

ὡς αἶνος ἀνδρῶν, πάντοθεν μετρεύμενα.

σῆμα δέ τοι τόδ' ἔρεξεν ἀριφραδὲς Εὔδαμος, ᾧ σὺ

πολλῶν πενεστέων ἦσθα προσφιλέστερος. *