Fragmenta

{περὶ Ἱεροσόλυμα}

{περὶ Ἱεροσόλυμα αʹ}

ἔκλυον ἀρχεγόνοισι τὸ μυρίον ὥς ποτε θεσμοῖς〈 〉

Ἀβραὰμ κλυτοηχές, ὑπέρτερον ἅμματι δεσμῶν,

παμφαὲς ἐπλήμμυρε μεγαυχήτοισι λογισμοῖς

θειοφιλῆ θέλγηθρα. λιπόντι γὰρ ἀγλαὸν ἕρκος

αἰνοφύτων ἔκκαυμα βριήπυος αἰνετὸς ἴσχων

ἀθάνατον ποίησεν ἑὴν φάτιν· ἐξέτι κείνου

ἔκγονος αἰνογόνοιο πολύμνιον ἔλλαχε κῦδος.

†ἄρτι χερὸς θνητοῖο ξιφηφόρον † ἐντύνοντος

λήμματι καὶ σφαράγοιο παρακλιδὸν ἀθροισθέντος·

ἀλλ' ὁ μὲν ἐν χείρεσσι κερασφόρον ὤπασε κριόν.

νηχομένο〈ι〉ς δ' ἐφύπερθε τὸ θαμβηέστατον ἄλλο

δέρκηθρον· συναοιδὰ μεγιστούχοιο λοετροῖς

ῥεύματος ἐμπίπλησι βαθὺν ῥόον ἐξανιείσης.

ῥεῦμα γὰρ ὑψιφάεινον ἐν ὑετίοις νιφετοῖσιν

ἱέμενον πολυγηθὲς ὑπαὶ πύργοις συνόροισιν

στρωφᾶται, καὶ ξηρὰ πέδῳ κεκονιμένα κρήνης

τηλεφαῆ δείκνυσιν ὑπέρτατα θάμβεα λαῶν

αἰπὺ δ' ἄρ' ἐκπτύουσι διὰ χθονὸς ὑδροχόοισι

σωλῆνες

{περὶ Ἱεροσόλυμα ιδʹ (?)}

τοῖσιν ἕδος μακαριστὸν ὅλης μέγας ἔκτισεν ἄκτωρ

ὕψιστος καὶ πρόσθεν ἀπ' Ἀβραάμοιο καὶ Ἰσάκ

Ἰακώβ 〈τ'〉 εὐτέκνοιο, τόθεν Ἰωσήφ, ὃς ὀνείρων

θεσπιστὴς σκηπτούχῳ ἐν Αἰγύπτοιο θρόνοισιν

δινεύσας λαθραῖα χρόνου πλημμυρίδι μοίρης.