Fragmenta

{ΟΜΟΙΩΝ ΙΣΤΟΡΙΚΩΝ ΚΕΦΑΛΑΙΑ.}

Diogen. L. I, 114, de Epimenide: Μυρωνιανὸς

δ' ἐν Ὁμοίοις φησὶν, ὅτι Κούρητα αὐτὸν ἐκάλουν

Κρῆτες.

Idem III, 40, de Platone: Μυρωνιανὸς δ' ἐν

Ὁμοίοις φησὶ Φίλωνα παροιμίας μνημονεύειν περὶ

τῶν Πλάτωνος φθειρῶν, ὡς οὕτως αὐτοῦ τελευτή-

σαντος.

Idem IV, 8, de Xenocrate: Καὶ δὴ καὶ αὐταρκέ-

στατος ἦν. Ἀλεξάνδρου γοῦν ποτὲ συχνὸν ἀργύριον

ἀποστείλαντος αὐτῷ, τρισχιλίας Ἀττικὰς ἀφελὼν, τὸ

λοιπὸν ἀπέπεμψεν, εἰπὼν ἐκείνῳ πλειόνων δεῖν πλείονας

τρέφοντι. Ἀλλὰ καὶ ὑπ' Ἀντιπάτρου πεμφθὲν μὴ προσ-

έσθαι, ὥς φησι Μυρωνιανὸς ἐν Ὁμοίοις. Καὶ χρυσῷ

στεφάνῳ τιμηθέντα ἐπ' ἄθλῳ πολυποσίας τοῖς Χοῦσι

παρὰ Διονυσίῳ, ἐξιόντα θεῖναι πρὸς τὸν ἱδρυμένον Ἑρ-

μῆν, ἔνθαπερ τιθέναι καὶ τοὺς ἀνθινοὺς εἰώθει.

{E LIBRO PRIMO.}

Idem IV, 14: Ἀθηναῖοι δ' ὅμως αὐτὸν

ὄντα τοιοῦτον ἐπίπρασκόν ποτε, τὸ μετοίκιον ἀτονοῦντα

θεῖναι. Καὶ αὐτὸν ὠνεῖται Δημήτριος ὁ Φαληρεὺς, καὶ

ἑκάτερον ἀποκατέστησε· Ξενοκράτει μὲν τὴν ἐλευθε-

ρίαν, Ἀθηναίοις δὲ τὸ μετοίκιον. Τοῦτό φησι Μυρωνια-

νὸς ὁ Ἀμαστριανὸς ἐν τῷ πρώτῳ τῶν Ἱστορικῶν ὁμοίων

κεφαλαίων.

{EX EODEM LIBRO.}

Idem V, 36, de Theophrasto: Φέρεται δ' αὐτοῦ

καὶ δοῦλος φιλόσοφος, ὄνομα Πομπύλος, καθά φησι

Μυρωνιανὸς Ἀμαστριανὸς ἐν τῷ πρώτῳ τῶν Ὁμοίων

ἱστορικῶν κεφαλαίων.

Idem X, 3, de Epicuro: Συνεφιλοσόφουν δ' αὐτῷ

προτρεψαμένῳ καὶ οἱ ἀδελφοὶ τρεῖς ὄντες, Νεοκλῆς,

Χαιρέδημος, Ἀριστόβουλος, καθά φησι Φιλόδημος

ὁ Ἐπικούρειος ἐν τῷ δεκάτῳ τῆς τῶν φιλοσόφων συν-

τάξεως· ἀλλὰ καὶ δοῦλος Μῦς ὄνομα, καθά φησι Μυ-

ρωνιανὸς ἐν Ὁμοίοις ἱστορικοῖς κεφαλαίοις.