Χοηφóρoι

Strophe 1

Χορός

585πολλὰ μὲν γᾶ τρέφει

586δεινὰ καὶ δειμάτων ἄχη,

587πόντιαί τʼ ἀγκάλαι κνωδάλων

588ἀνταίων βρύουσι·

589πλάθουσι βλαστοῦσι καὶ πεδαίχμιοι

590λαμπάδες πεδάοροι,

591πτανά τε καὶ πεδοβά-

592μονα κἀνεμοέντʼ ἂν

593αἰγίδων φράσαι κότον.

Antistrophe 1

Χορός

594ἀλλʼ ὑπέρτολμον ἀν-

595δρὸς φρόνημα τίς λέγοι

596καὶ γυναικῶν φρεσὶν τλαμόνων καὶ

597παντόλμους ἔρωτας

598ἄταισι συννόμους βροτῶν;

599ξυζύγους δʼ ὁμαυλίας

599bθηλυκρατὴς ἀπέρω-

600τος ἔρως παρανικᾷ

601κνωδάλων τε καὶ βροτῶν.

Strophe 2

Χορός

602ἴστω δʼ, ὅστις οὐχ ὑπόπτερος

603φροντίσιν, δαεὶς

604τὰν ἁ παιδολυ-

605μὰς τάλαινα Θεστιὰς μήσατο

606πυρδαῆτιν πρόνοιαν,

607καταίθουσα παιδὸς δαφοινὸν

608δαλὸν ἥλικʼ, ἐπεὶ μολὼν

609ματρόθεν κελάδησε,

610ξύμμετρόν τε διαὶ βίου

611μοιρόκραντον ἐς ἆμαρ.

Antistrophe 2

Χορός

612ἄλλαν δεῖ τινʼ ἐν λόγοις στυγεῖν

613φοινίαν κόραν,

615ἅτʼ ἐχθρῶν ὑπαὶ

616φῶτʼ ἀπώλεσεν φίλον Κρητικοῖς

617χρυσοκμήτοισιν ὅρμοις

618πιθήσασα δώροισι Μίνω,

619Νῖσον ἀθανάτας τριχὸς

620νοσφίσασʼ ἀπροβούλως

621πνέονθʼ ἁ κυνόφρων ὕπνῳ.

622κιγχάνει δέ μιν Ἑρμῆς.

Strophe 3

Χορός

623ἐπεὶ δʼ ἐπεμνασάμαν ἀμειλίχων

624πόνων, ὁ καιρὸς δὲ δυσφιλὲς γαμή-

625λευμʼ ἀπεύχετον δόμοις

626γυναικοβούλους τε μήτιδας φρενῶν

627ἐπʼ ἀνδρὶ τευχεσφόρῳ,

628ἐπʼ ἀνδρὶ δᾴοις ἐπεικότως σέβαι.

629τίω δʼ ἀθέρμαντον ἑστίαν δόμων

630γυναικείαν τʼ ἄτολμον αἰχμάν.

Antistrophe 3

Χορός

631κακῶν δὲ πρεσβεύεται τὸ Λήμνιον

632λόγῳ· γοᾶται δὲ δὴ πάθος κατά-

633πτυστον· ᾔκασεν δέ τις

634τὸ δεινὸν αὖ Λημνίοισι πήμασιν.

635θεοστυγήτῳ δʼ ἄχει

636βροτῶν ἀτιμωθὲν οἴχεται γένος.

637σέβει γὰρ οὔτις τὸ δυσφιλὲς θεοῖς.

638τί τῶνδʼ οὐκ ἐνδίκως ἀγείρω;

Strophe 4

Χορός

639τὸ δʼ ἄγχι πλευμόνων ξίφος

640διανταίαν ὀξυπευκὲς οὐτᾷ

641διαὶ Δίκας. τὸ μὴ θέμις γὰρ οὖν

642λὰξ πέδοι πατούμενον, τὸ πᾶν Διὸς

645σέβας παρεκβάντος οὐ θεμιστῶς.

Antistrophe 4

Χορός

646Δίκας δʼ ἐρείδεται πυθμήν·

647προχαλκεύει δʼ Αἶσα φασγανουργός·

648τέκνον δʼ ἐπεισφέρει δόμοισιν

650αἱμάτων παλαιτέρων τίνειν μύσος

651χρόνῳ κλυτὰ βυσσόφρων Ἐρινύς.