Χοηφóρoι

Anapests 1

Χορός

855Ζεῦ Ζεῦ, τί λέγω, πόθεν ἄρξωμαι

856τάδ᾽ ἐπευχομένη κἀπιθεάζουσ᾽, κἀπιθοάζουσα M, οα in litura

857ὑπὸ δ᾽ εὐνοίας

858πῶς ἴσον εἰποῦσ᾽ ἀνύσωμαι;

859νῦν γὰρ μέλλουσι μιανθεῖσαι

860πειραὶ κοπάνων ἀνδροδαΐκτων

861ἢ πάνυ θήσειν Ἀγαμεμνονίων

862οἴκων ὄλεθρον διὰ παντός,

863ἢ πῦρ καὶ φῶς ἐπ᾽ ἐλευθερίᾳ

864δαίων ἀρχάς τε πολισσονόμους

865πατέρων θ᾽ ἕξει πατέρων θ᾽ ἕξει Weil: ἕξει πατέρων M μέγαν ὄλβον.

866τοιάνδε πάλην μόνος ὢν ἔφεδρος

867δισσοῖς μέλλει θεῖος θεῖος Turnebus: θείοις M Ὀρέστης

868ἅψειν. εἴη δ᾽ ἐπὶ νίκῃ.

Αἴγισθος

869ἐή, ὀτοτοτοῖ.

Χορός

870ἔα ἔα μάλα:

871πῶς ἔχει; πῶς κέκρανται δόμοις;

872ἀποσταθῶμεν ἀποσταθῶμεν Robortello: ἀποσταθῶ μὲν M, ἄπο σταθῶ μὲν m πράγματος τελουμένου,

873ὅπως δοκῶμεν τῶνδ᾽ ἀναίτιαι κακῶν

874εἶναι: μάχης γὰρ δὴ κεκύρωται τέλος.

Οἰκέτης

875οἴμοι, πανοίμοι πανοίμοι Porson: πᾶν οἴμοι (ut videtur in rasura) M δεσπότου πεπληγμένου: πεπληγμένου Schütz: τελουμένου (ex 872) M

876οἴμοι μάλ᾽ αὖθις ἐν τρίτοις προσφθέγμασιν.

877Αἴγισθος οὐκέτ᾽ ἔστιν. ἀλλ᾽ ἀνοίξατε

878ὅπως τάχιστα, καὶ γυναικείους πύλας

879μοχλοῖς χαλᾶτε: καὶ μάλ᾽ ἡβῶντος δὲ δεῖ,

880οὐχ ὥστ᾽ ὥστ᾽ Porson: ὡς δ᾽ M ἀρῆξαι διαπεπραγμένῳ: διαπεπραγμένῳ e schol. Turnebus: διαπεπραγμένων M τί γάρ;

881ἰοὺ ἰού.

882κωφοῖς ἀυτῶ και καθεύδουσιν μάτην

883ἄκραντα βάζω; ποῖ Κλυταιμήστρα; τί δρᾷ;

884ἔοικε νῦν αὖ τῆσδ᾽ αὖ τῆσδ᾽ Martin: αὐτῆ M ἐπιξήνου ἐπιξήνου Abresch: ἐπὶ ξυροῦ M πέλας αὐχὴν πεσεῖσθαι πρὸς δίκην δίκην M (sic M) πεπληγμένος.

Κλυταιμνήστρα

885τί δ᾽ ἐστὶ χρῆμα; τίνα βοὴν ἵστης δόμοις;

Οἰκέτης

886τὸν ζῶντα καίνειν τοὺς τεθνηκότας λέγω.

Κλυταιμνήστρα

887οἲ ᾽γώ. οἶ ἐγώ M (idem error 893, 928) ξυνῆκα τοὔπος ἐξ αἰνιγμάτων.

888δόλοις ὀλούμεθ᾽, ὥσπερ οὖν ἐκτείναμεν.

889δοίη τις ἀνδροκμῆτα πέλεκυν ὡς τάχος:

890εἰδῶμεν εἰ εἰ Turnebus: ἢ M νικῶμεν, ἢ νικώμεθα:

891ἐνταῦθα γὰρ δὴ τοῦδ᾽ ἀφικόμην κακοῦ.

Ὀρέστης

892σὲ καὶ ματεύω: τῷδε δ᾽ ἀρκούντως ἔχει.

Κλυταιμνήστρα

893οἲ ᾽γώ. τέθνηκας, φίλτατ᾽ Αἰγίσθου βία.

Ὀρέστης

894φιλεῖς τὸν ἄνδρα; τοιγὰρ ἐν ταὐτῷ τάφῳ

895κείσει. θανόντα δ᾽ οὔτι μὴ προδῷς ποτε.

Κλυταιμνήστρα

896ἐπίσχες, ὦ παῖ, τόνδε δ᾽ αἴδεσαι, δ᾽ αἴδεσαι Sophianus: δήσεται M τέκνον,

897μαστόν, πρὸς ᾧ ᾧ σὺ Robortello: ὠκὺ M σὺ πολλὰ δὴ βρίζων ἅμα

898οὔλοισιν ἐξήμελξας εὐτραφὲς γάλα.

Ὀρέστης

899Πυλάδη, τί δράσω; μητέρ᾽ αἰδεσθῶ κτανεῖν;

Πυλαδης

900ποῦ δὴ δὴ Auratus: δαὶ M τὰ λοιπὰ Λοξίου μαντεύματα

901τὰ πυθόχρηστα, πιστά τ᾽ τ᾽ Hermann: δ᾽ M εὐορκώματα;

902ἅπαντας ἐχθροὺς τῶν θεῶν ἡγοῦ πλέον.

Ὀρέστης

903κρίνω σὲ νικᾶν, καὶ παραινεῖς μοι καλῶς.

904ἕπου, πρὸς αὐτὸν τόνδε σὲ σφάξαι θέλω.

905καὶ ζῶντα γάρ νιν κρείσσον᾽ κρείσσον᾽ Turnebus: κρέσσον᾽ M ἡγήσω πατρός:

906τούτῳ θανοῦσα ξυγκάθευδ᾽, ἐπεὶ φιλεῖς

907τὸν ἄνδρα τοῦτον, ὃν δ᾽ ἐχρῆν φιλεῖν στυγεῖς.

Κλυταιμνήστρα

908ἐγώ σ᾽ ἔθρεψα, σὺν σὺν Auratus: νῦν M δὲ γηράναι θέλω.

Ὀρέστης

909πατροκτονοῦσα γὰρ ξυνοικήσεις ἐμοί;

Κλυταιμνήστρα

910ἡ Μοῖρα τούτων, ὦ τέκνον, παραιτία.

Ὀρέστης

911καὶ τόνδε τοίνυν Μοῖρ᾽ ἐπόρσυνεν ἐπώρσυνεν M μόρον.

Κλυταιμνήστρα

912οὐδὲν σεβίζει σὲ βίζηι M, σεβίζηι m γενεθλίους ἀράς, τέκνον;

Ὀρέστης

913τεκοῦσα γάρ μ᾽ ἔρριψας ἐς τὸ δυστυχές.

Κλυταιμνήστρα

914οὔτοι σ᾽ ἀπέρριψ᾽ ἐς δόμους δορυξένους.

Ὀρέστης

915αἰσχρῶς αἰσχρῶς Heath: διχῶς M ἐπράθην ὢν ἐλευθέρου πατρός.

Κλυταιμνήστρα

916ποῦ δῆθ᾽ ὁ τῖμος, ὅντιν᾽ ἀντεδεξάμην;

Ὀρέστης

917αἰσχύνομαί σοι σοι Canter: σου M τοῦτ᾽ ὀνειδίσαι σαφῶς.

Κλυταιμνήστρα

918ἀλλ᾽ ἀλλ᾽ Hermann: μὴ ἀλλ᾽ M (μὴ e v. 919) εἴφ᾽ ὁμοίως καὶ πατρὸς τοῦ σοῦ μάτας.

Ὀρέστης

919μὴ ᾽λεγχε τὸν πονοῦντ᾽ ἔσω καθημένη.

Κλυταιμνήστρα

920ἄλγος γυναιξὶν ἀνδρὸς εἴργεσθαι, τέκνον.

Ὀρέστης

921τρέφει δέ γ᾽ ἀνδρὸς μόχθος ἡμένας ἔσω.

Κλυταιμνήστρα

922κτενεῖν ἔοικας, ὦ τέκνον, τὴν μητέρα.

Ὀρέστης

923σύ τοι σεαυτήν, οὐκ ἐγώ, κατακτενεῖς.

Κλυταιμνήστρα

924ὅρα, φύλαξαι μητρὸς ἐγκότους κύνας.

Ὀρέστης

925τὰς τοῦ πατρὸς δὲ πῶς φύγω, παρεὶς τάδε;

Κλυταιμνήστρα

926ἔοικα θρηνεῖν ζῶσα πρὸς τύμβον μάτην.

Ὀρέστης

927πατρὸς γὰρ αἶσα τόνδε σοὐρίζει σοὐρίζει Elmsley: σ᾽ ὁρίζει M μόρον.cf. ad 887 Post 929 Klyt. responsum excidisse putat Wellauer

Κλυταιμνήστρα

928οἲ ᾽γὼ τεκοῦσα τόνδ᾽ ὄφιν ἐθρεψάμην.

Ὀρέστης

929ἦ κάρτα μάντις οὑξ ὀνειράτων φόβος.

930ἔκανες ἔκανες Pauw: κάνεσγ᾽ M ὃν οὐ χρῆν, καὶ τὸ μὴ χρεὼν πάθε.

Χορός

931στένω μὲν οὖν καὶ τῶνδε συμφορὰν διπλῆν.

932ἐπεὶ δὲ πολλῶν αἱμάτων ἐπήκρισε

933τλήμων Ὀρέστης, τοῦθ᾽ ὅμως αἱρούμεθα,

934ὀφθαλμὸν οἴκων μὴ πανώλεθρον πεσεῖν.