Ἀγαμέμνων
Episode 3
Title variantsἈγαμέμνων · Agamemnon
Author namesEschyle · Æschyle · Aeschylus · Aischylos · Αισχυλος
- Scientific editors
- Arthur Sidgwick
- Edition reference
- Aeschyli Tragoediae : cum fabularum deperditarum fragmentis, poetae vita et operum catalogo · Oxford · Clarendon Press · 1902
- CTS identifier
urn:cts:greekLit:tlg0085.tlg005.local001- Corpus release
- 2.2.0 · 2026-08-29
- Digital source
- View source ↗
Episode 3
Φύλαξ
1θεοὺς μὲν αἰτῶ τῶνδ᾽ ἀπαλλαγὴν πόνων,
2φρουρᾶς ἐτείας μῆκος, ἣν ἣν Fl V Fa: δ᾽ ἦν M κοιμώμενος
3στέγαις Ἀτρειδῶν ἄγκαθεν, κυνὸς δίκην,
4ἄστρων κάτοιδα νυκτέρων ὁμήγυριν,
5καὶ τοὺς φέροντας χεῖμα καὶ θέρος βροτοῖς
6λαμπροὺς δυνάστας, ἐμπρέποντας αἰθέρι
7[ἀστέρας, ὅταν φθίνωσιν, ἀντολάς τε τῶν].seclusit Pauw
8καὶ νῦν φυλάσσω λαμπάδος τό σύμβολον,
9αὐγὴν πυρὸς φέρουσαν ἐκ Τροίας φάτιν
10ἁλώσιμόν τε βάξιν: ὧδε γὰρ κρατεῖ
11γυναικὸς ἀνδρόβουλον ἐλπίζον κέαρ.
12εὖτ᾽ ἂν δὲ νυκτίπλαγκτον ἔνδροσόν τ᾽ ἔχω
13εὐνὴν ὀνείροις οὐκ ἐπισκοπουμένην
14ἐμήν: ἐμήν suspectum: τί μήν: Hermann, sed vide 1231–2 φόβος γὰρ ἀνθ᾽ ὕπνου ἀνθ᾽ ὕπνου] ἀντίνους Wecklein παραστατεῖ,
15τὸ μὴ βεβαίως βλέφαρα συμβαλεῖν ὕπνῳ:
16ὅταν δ᾽ ἀείδειν ἢ μινύρεσθαι δοκῶ,
17ὕπνου τόδ᾽ ἀντίμολπον ἐντέμνων ἄκος,
18κλαίω τότ᾽ οἴκου τοῦδε συμφορὰν στένων
19οὐχ ὡς τὰ πρόσθ᾽ ἄριστα διαπονουμένου.fort. δεσποτουμένου Dübner
20νῦν δ᾽ εὐτυχὴς γένοιτ᾽ ἀπαλλαγὴ πόνων
21εὐαγγέλου φανέντος ὀρφναίου πυρός.
22ὦ χαῖρε λαμπτὴρ νυκτός, ἡμερήσιον
23φάος πιφαύσκων καὶ χορῶν κατάστασιν
24πολλῶν ἐν Ἄργει, τῆσδε συμφορᾶς χάριν.
25ἰοὺ ἰού.
26Ἀγαμέμνονος γυναικὶ σημαίνω σημαίνω M: σημανῶ recc. τορῶς
27εὐνῆς ἐπαντείλασαν ὡς τάχος δόμοις
28ὀλολυγμὸν εὐφημοῦντα τῇδε λαμπάδι
29ἐπορθιάζειν, εἴπερ Ἰλίου πόλις
30ἑάλωκεν, ὡς ὁ φρυκτὸς ἀγγέλλων ἀγγέλλων V Fa: ἀγγέλων M πρέπει:
31αὐτός τ᾽ ἔγωγε φροίμιον χορεύσομαι.
32τὰ δεσποτῶν γὰρ εὖ πεσόντα θήσομαι
33τρὶς ἓξ βαλούσης τῆσδέ μοι φρυκτωρίας.
34γένοιτο δ᾽ οὖν μολόντος εὐφιλῆ χέρα
35ἄνακτος οἴκων τῇδε βαστάσαι χερί.
36τὰ δ᾽ ἄλλα σιγῶ: βοῦς ἐπὶ γλώσσῃ μέγας
37βέβηκεν: οἶκος δ᾽ αὐτός, εἰ φθογγὴν λάβοι,
38σαφέστατ᾽ ἂν λέξειεν: ὡς ἑκὼν ἐγὼ
39μαθοῦσιν αὐδῶ κοὐ μαθοῦσι λήθομαι.
Anapests 1
Χορός
40δέκατον μὲν ἔτος τόδ᾽ ἐπεὶ Πριάμου Πριάμου V Fl Fa: Πριάμῳ M
41μέγας ἀντίδικος,
42Μενέλαος ἄναξ ἠδ᾽ Ἀγαμέμνων,
43διθρόνου Διόθεν καὶ δισκήπτρου
44τιμῆς ὀχυρὸν ζεῦγος Ἀτρειδᾶν
45στόλον Ἀργείων χιλιοναύτην
46τῆσδ᾽ ἀπὸ χώρας
47ἦραν, στρατιῶτιν ἀρωγὴν,
48μέγαν ἐκ θυμοῦ κλάζοντες Ἄρη
49τρόπον αἰγυπιῶν, οἵτ᾽ ἐκπατίοιςfort. ἐκπάγλοις Blomfield
50ἄλγεσι παίδων ὕπατοι λεχέων
51στροφοδινοῦνται
52πτερύγων ἐρετμοῖσιν ἐρεσσόμενοι,
53δεμνιοτήρη
54πόνον ὀρταλίχων ὀλέσαντες:
55ὕπατος δ᾽ ἀίων ἤ τις Ἀπόλλων
56ἢ Πὰν ἢ Ζεὺς οἰωνόθροον
57γόον ὀξυβόαν τῶνδε μετοίκων
58ὑστερόποινον
59πέμπει παραβᾶσιν Ἐρινύν.
60οὕτω δ᾽ Ἀτρέως παῖδας ὁ κρείσσων
61ἐπ᾽ Ἀλεξάνδρῳ πέμπει ξένιος
62Ζεὺς πολυάνορος ἀμφὶ γυναικὸς
63πολλὰ παλαίσματα καὶ γυιοβαρῆ
64γόνατος κονίαισιν ἐρειδομένου
65διακναιομένης τ᾽ ἐν προτελείοις
66κάμακος θήσων Δαναοῖσι
67Τρωσί θ᾽ ὁμοίως. ἔστι δ᾽ ὅπη νῦν
68ἔστι: τελεῖται δ᾽ ἐς τὸ πεπρωμένον:
69οὔθ᾽ ὑποκαίων οὔθ᾽ ὑπολείβων ὑποκαίων Casaubon: ὑποκλαίων codd.
70οὔτε δακρύων ἀπύρων ἱερῶν
71ὀργὰς ἀτενεῖς παραθέλξει.
72ἡμεῖς δ᾽ ἀτίται σαρκὶ παλαιᾷ
73τῆς τότ᾽ ἀρωγῆς ὑπολειφθέντες
74μίμνομεν ἰσχὺν
75ἰσόπαιδα νέμοντες ἐπὶ σκήπτροις.
76ὅ τε γὰρ νεαρὸς μυελὸς στέρνων
77ἐντὸς ἀνᾴσσων ἀνᾴσσων Hermann: ἀνάσσων codd.
78ἰσόπρεσβυς, Ἄρης δ᾽ οὐκ ἔνι χώρᾳ,
79τό θ᾽ ὑπέργηρων τό θ̓ ὑπέργηρων Fa: τίθιπεργήρως M: τόθιπεργήρως B Fl φυλλάδος ἤδη
80κατακαρφομένης τρίποδας μὲν ὁδοὺς
81στείχει, παιδὸς δ᾽ οὐδὲν ἀρείων
82ὄναρ ἡμερόφαντον ἀλαίνει.
83σὺ δέ, Τυνδάρεω
84θύγατερ, βασίλεια Κλυταιμήστρα,
85τί χρέος; τί νέον; τί δ᾽ ἐπαισθομένη,
86τίνος ἀγγελίας
87πευθοῖ πευθοῖ Scaliger: πειθοῖ M: πυθοῖ Fl περίπεμπτα θυοσκεῖς; θυοσκεῖς Turnebus: θυοσκινεῖς codd.
88πάντων δὲ θεῶν τῶν ἀστυνόμων,
89ὑπάτων, χθονίων,
90τῶν τ᾽ οὐρανίων τῶν τ᾽ ἀγοραίων,
91βωμοὶ δώροισι φλέγονται:
92ἄλλη δ᾽ ἄλλοθεν οὐρανομήκης
93λαμπὰς ἀνίσχει,
94φαρμασσομένη χρίματος ἁγνοῦ
95μαλακαῖς ἀδόλοισι παρηγορίαις,
96πελάνῳ μυχόθεν βασιλείῳ.
97τούτων λέξασ᾽ ὅ τι καὶ δυνατὸν
98καὶ θέμις αἰνεῖν,
99παιών τε γενοῦ τῆσδε μερίμνης,
100ἣ νῦν τοτὲ μὲν κακόφρων τελέθει,
101τοτὲ δ᾽ ἐκ θυσιῶν ἀγανὴ φαίνουσ᾽ φαίνουσ᾽ Fl Fa: φαίνεις M: fort. φανθεῖσ᾽ Pauw
102ἐλπὶς ἀμύνει φροντίδ᾽ ἄπληστον
103τῆς θυμοβόρου φρένα λύπης. τῆς θυμοβόρου φρένα λύπης Hermann: τὴν θυμοφθόρον λύπης φρένα M: τὴν θυμοβόρον λ. φ. Fl: fort. λύπης, θυμοφθόρον ἄτην H. L. Ahrens