Ἀγαμέμνων

Episode 7

Χορός

488τάχ᾽ εἰσόμεσθα λαμπάδων φαεσφόρωνKlytaemestrae notam, 501 chori, praefigunt codd.: totum choro dat Scaliger

490φρυκτωριῶν τε καὶ πυρὸς παραλλαγάς,

491εἴτ᾽ οὖν ἀληθεῖς εἶτ᾽ ὀνειράτων δίκην

492τερπνὸν τόδ᾽ ἐλθὸν φῶς ἐφήλωσεν φρένας.

493κήρυκ᾽ ἀπ᾽ ἀκτῆς τόνδ᾽ ὁρῶ κατάσκιον

494κλάδοις ἐλαίας: μαρτυρεῖ δέ μοι κάσις

495πηλοῦ ξύνουρος διψία κόνις τάδε,

496ὡς οὔτ᾽ ἄναυδος οὔτε σοι δαίων φλόγα

497ὕλης ὀρείας σημανεῖ καπνῷ πυρός,

498ἀλλ᾽ ἢ τὸ χαίρειν μᾶλλον ἐκβάξει λέγων:

499τὸν ἀντίον δὲ τοῖσδ᾽ ἀποστέργω λόγον:

500εὖ γὰρ πρὸς εὖ φανεῖσι προσθήκη πέλοι.—

501ὅστις τάδ᾽ ἄλλως τῇδ᾽ ἐπεύχεται πόλει,

502αὐτὸς φρενῶν καρποῖτο τὴν ἁμαρτίαν.

Κηρυξ

503ἰὼ πατρῷον οὖδας Ἀργείας χθονός,

504δεκάτῳ σε φέγγει τῷδ᾽ ἀφικόμην ἔτους,

505πολλῶν ῥαγεισῶν ἐλπίδων μιᾶς τυχών.

506οὐ γάρ ποτ᾽ ηὔχουν τῇδ᾽ ἐν Ἀργείᾳ χθονὶ

507θανὼν μεθέξειν φιλτάτου τάφου μέρος.

508νῦν χαῖρε μὲν χθών, χαῖρε δ᾽ ἡλίου φάος,

509ὕπατός τε χώρας Ζεύς, ὁ Πύθιός τ᾽ ἄναξ,

510τόξοις ἰάπτων μηκέτ᾽ εἰς ἡμᾶς βέλη:

511ἅλις παρὰ Σκάμανδρον ἦσθ᾽ ἦσθ᾽ Askew: ἦλθες Fa: ἦλθ᾽ (ες surascripto) Fl ἀνάρσιος:

512νῦν δ᾽ αὖτε σωτὴρ ἴσθι καὶ παιώνιος, καὶ παιώνιος Dobree: καὶ παγώνιος Fl: κἀπαγώνιος Fa

513ἄναξ Ἄπολλον. τούς τ᾽ ἀγωνίους θεοὺς

514πάντας προσαυδῶ, τόν τ᾽ ἐμὸν τιμάορον

515Ἑρμῆν, φίλον κήρυκα, κηρύκων σέβας,

516ἥρως τε τοὺς πέμψαντας, εὐμενεῖς πάλιν

517στρατὸν δέχεσθαι τὸν λελειμμένον δορός.

518ἰὼ μέλαθρα βασιλέων, φίλαι στέγαι,

519σεμνοί τε θᾶκοι, δαίμονές τ᾽ ἀντήλιοι,

520εἴ που εἴ που Auratus: ἦπου codd. πάλαι, φαιδροῖσι τοισίδ᾽ ὄμμασι

521δέξασθε κόσμῳ βασιλέα πολλῷ χρόνῳ.

522ἥκει γὰρ ὑμῖν ὑμῖν] ἡμῖν Fl φῶς ἐν εὐφρόνῃ φέρων

523καὶ τοῖσδ᾽ ἅπασι κοινὸν Ἀγαμέμνων ἄναξ.

524ἀλλ᾽ εὖ νιν ἀσπάσασθε, καὶ γὰρ οὖν πρέπει,

525Τροίαν κατασκάψαντα τοῦ δικηφόρου

526Διὸς μακέλλῃ, τῇ κατείργασται πέδον.

527βωμοὶ δ᾽ ἄιστοι καὶ θεῶν ἱδρύματα,

528καὶ σπέρμα πάσης ἐξαπόλλυται χθονός.

529τοιόνδε τοιοῦδε Fl 538–550 chori vv. Klytaemestrae dant codd. Τροίᾳ περιβαλὼν ζευκτήριον

530ἄναξ Ἀτρείδης πρέσβυς εὐδαίμων ἀνὴρ

531ἥκει, τίεσθαι δ᾽ ἀξιώτατος βροτῶν

532τῶν νῦν: Πάρις γὰρ οὔτε συντελὴς πόλις

533ἐξεύχεται τὸ δρᾶμα τοῦ πάθους πλέον.

534ὀφλὼν γὰρ ἁρπαγῆς τε καὶ κλοπῆς δίκην

535τοῦ ῥυσίου θ᾽ ἥμαρτε καὶ πανώλεθρον

536αὐτόχθονον πατρῷον ἔθρισεν δόμον.

537διπλᾶ δ᾽ ἔτισαν Πριαμίδαι θἀμάρτια.

Χορός

538κῆρυξ Ἀχαιῶν χαῖρε τῶν ἀπὸ στρατοῦ.

Κῆρυξ

539χαίρω <γε>: γε add. Enger (τεθνᾶναι codd.) τεθνάναι δ᾽ οὐκέτ᾽ οὐκέτ᾽ Fa: οὐκ Fl ἀντερῶ θεοῖς.

Χορός

540ἔρως πατρῴας τῆσδε γῆς σ᾽ ἐγύμνασεν.

Κῆρυξ

541ὥστ᾽ ἐνδακρύειν ἐκδακρύειν Fa γ᾽ ὄμμασιν χαρᾶς ὕπο.

Χορός

542τερπνῆς ἄρ᾽ ἦτε τῆσδ᾽ ἐπήβολοι νόσου. ἴστε Fl

Κῆρυξ

543πῶς δή; διδαχθεὶς τοῦδε δεσπόσω λόγου.

Χορός

544τῶν ἀντερώντων ἱμέρῳ πεπληγμένοι. πεπληγμένοι Tyrwhitt: πεπληγμένος codd.

Κῆρυξ

545ποθεῖν ποθοῦντα τήνδε γῆν στρατὸν λέγεις.

Χορός

546ὡς πόλλ᾽ ἀμαυρᾶς ἐκ φρενός <μ᾽> μ᾽ add. Scaliger ἀναστένειν.

Κῆρυξ

547πόθεν τὸ δύσφρον τοῦτ᾽ ἐπῆν στύγος φρενῶν; φρενῶν Hermann: στρατῷ codd.: πόλει Kennedy: λεᾠ Heimsoeth

Χορός

548πάλαι τὸ σιγᾶν φάρμακον βλάβης ἔχω.

Κῆρυξ

549καὶ πῶς; ἀπόντων κοιράνων ἔτρεις τινάς;

Χορός

550ὡς ὡς Scaliger: ὧν codd. νῦν τὸ σὸν δή, καὶ θανεῖν πολλὴ χάρις.

Κῆρυξ

551εὖ γὰρ πέπρακται. ταῦτα δ᾽ ἐν πολλῷ χρόνῳ

552τὰ μέν τις ἂν ἂν Auratus: εὖ codd. λέξειεν εὐπετῶς ἔχειν,

553τὰ δ᾽ αὖτε κἀπίμομφα. τίς δὲ πλὴν θεῶν

554ἅπαντ᾽ ἀπήμων τὸν δι᾽ αἰῶνος χρόνον;

555μόχθους γὰρ εἰ λέγοιμι καὶ δυσαυλίας,

556σπαρνὰς παρήξεις καὶ κακοστρώτους, τί δ᾽ οὐ

557στένοντες, †οὐ λαχόντεσ† οὐ λαχόντες corruta: fortasse ἀσχάλλοντες Margoliouth (qui quidem στένοντας ἀσχάλλοντας legit) vel οὐ κλαίοντες Jacob ἤματος μέρος;

558τὰ δ᾽ αὖτε χέρσῳ καὶ προσῆν πλέον στύγος:

559εὐναὶ γὰρ ἦσαν δαΐων πρὸς τείχεσιν.

560ἐξ οὐρανοῦ δὲ δὲ Pearson: γὰρ codd. κἀπὸ γῆς λειμώνιαι

561δρόσοι δρόσοι non mutandum κατεψάκαζον, †ἔμπεδονcorrutio latet: fortasse ante ἔμπεδον versus excidit σίνος

562ἐσθημάτων τιθέντες ἔνθηρον τρίχα.

563χειμῶνα δ᾽ εἰ λέγοι τις οἰωνοκτόνον,

564οἷον παρεῖχ᾽ ἄφερτον Ἰδαία χιών,

565ἢ θάλπος, εὖτε πόντος ἐν μεσημβριναῖς

566κοίταις ἀκύμων νηνέμοις εὕδοι πεσών—

567τί ταῦτα πενθεῖν δεῖ; παροίχεται πόνος:

568παροίχεται δέ, τοῖσι μὲν τεθνηκόσιν

569τὸ μήποτ᾽ αὖθις μηδ᾽ ἀναστῆναι μέλειν.

570τί τοὺς ἀναλωθέντας ἐν ψήφῳ λέγειν,

571τὸν ζῶντα δ᾽ ἀλγεῖν χρὴ τύχης παλιγκότου;

572καὶ πολλὰ χαίρειν ξυμφορὰς ξυμφορὰς Blomfield: συμφοραῖς codd. καταξιῶ.

573ἡμῖν δὲ τοῖς λοιποῖσιν Ἀργείων στρατοῦ

574νικᾷ τὸ κέρδος, πῆμα δ᾽ οὐκ ἀντιρρέπει:

575ὡς κομπάσαι τῷδ᾽ εἰκὸς ἡλίου φάει

576ὑπὲρ θαλάσσης καὶ χθονὸς ποτωμένοις: ποτώμενα Weil

577“Τροίαν ἑλόντες δήποτ᾽ Ἀργείων στόλος

578θεοῖς λάφυρα ταῦτα τοῖς καθ᾽ Ἑλλάδα

579δόμων ἐπασσάλευσαν ἀρχαῖων δόμων ... ἀρχαίων Hartung: δόμοις ... ἀρχαῖον codd. γάνος.”

580τοιαῦτα χρὴ κλύοντας εὐλογεῖν πόλιν

581καὶ τοὺς στρατηγούς: καὶ χάρις τιμήσεται

582Διὸς τόδ᾽ ἐκπράξασα. πάντ᾽ ἔχεις λόγον.

Χορός

583νικώμενος λόγοισιν οὐκ ἀναίνομαι:

584ἀεὶ γὰρ ἥβη ἥβη Margoliouth: ἡβᾷ codd. τοῖς γέρουσιν εὖ μαθεῖν.

585δόμοις δὲ ταῦτα καὶ Κλυταιμήστρᾳ μέλειν

586εἰκὸς μάλιστα, σὺν δὲ πλουτίζειν ἐμέ.

Κλυταιμήστρα

587ἀνωλόλυξα μὲν πάλαι χαρᾶς ὕπο,

588ὅτ᾽ ἦλθ᾽ ὁ πρῶτος νύχιος ἄγγελος πυρός,

589φράζων ἅλωσιν Ἰλίου τ᾽ ἀνάστασιν.

590καί τίς μ᾽ ἐνίπτων εἶπε, “φρυκτωρῶν δία

591πεισθεῖσα Τροίαν νῦν πεπορθῆσθαι δοκεῖς;

592ἦ κάρτα πρὸς γυναικὸς αἴρεσθαι κέαρ.”

593λόγοις τοιούτοις πλαγκτὸς οὖσ᾽ ἐφαινόμην.

594ὅμως δ᾽ ἔθυον, καὶ γυναικείῳ νόμῳ

595ὀλολυγμὸν ἄλλος ἄλλοθεν κατὰ πτόλιν

596ἔλασκον εὐφημοῦντες ἐν θεῶν ἕδραις

597θυηφάγον κοιμῶντες εὐώδη φλόγα.

598καὶ νῦν τὰ μάσσω μὲν τί δεῖ σέ μοι σέ μοι Wieseler: σ᾽ ἐμοὶ codd. λέγειν;

599ἄνακτος αὐτοῦ πάντα πεύσομαι λόγον.

600ὅπως δ᾽ ἄριστα τὸν ἐμὸν αἰδοῖον πόσιν

601σπεύσω πάλιν μολόντα δέξασθαι—τί γὰρ

602γυναικὶ τούτου φέγγος ἥδιον δρακεῖν,

603ἀπὸ στρατείας ἀνδρὶ σώσαντος θεοῦ

604πύλας ἀνοῖξαι;—ταῦτ᾽ ἀπάγγειλον πόσει:

605ἥκειν ὅπως τάχιστ᾽ ἐράσμιον πόλει:

606γυναῖκα πιστὴν δ᾽ ἐν δόμοις εὕροι μολὼν

607οἵανπερ οὖν ἔλειπε, δωμάτων κύνα

608ἐσθλὴν ἐκείνῳ, πολεμίαν τοῖς δύσφροσιν,

609καὶ τἄλλ᾽ ὁμοίαν πάντα, σημαντήριον

610οὐδὲν διαφθείρασαν ἐν μήκει χρόνου.

611οὐδ᾽ οἶδα τέρψιν οὐδ᾽ ἐπίψογον φάτιν

612ἄλλου πρὸς ἀνδρὸς μᾶλλον ἢ χαλκοῦ βαφάς.

613τοιόσδ᾽ ὁ κόμπος τῆς ἀληθείας γέμωνKlytaemestrae dedit Hermann: Κη praefixit M

614οὐκ αἰσχρὸς ὡς γυναικὶ γενναίᾳ λακεῖν.

Χορός

615αὕτη μὲν οὕτως εἶπε μανθάνοντί σοι

616τοροῖσιν ἑρμηνεῦσιν εὐπρεπῶς λόγον.

617σὺ δ᾽ εἰπέ, κῆρυξ, Μενέλεων δὲ πεύθομαι,

618εἰ νόστιμός τε τε Hermann: γε codd. καὶ σεσωσμένος πάλιν

619ἥξει σὺν ὑμῖν, τῆσδε γῆς φίλον κράτος.

Κῆρυξ

620οὐκ ἔσθ᾽ ὅπως λέξαιμι τὰ ψευδῆ καλὰ

621ἐς τὸν πολὺν φίλοισι καρποῦσθαι χρόνον.

Χορός

622πῶς δῆτ᾽ ἂν εἰπὼν κεδνὰ τἀληθῆ τύχοις;chori vv. in codd. Klyt. tribuuntur. τύχοις Porson: τύχῃς codd.

623σχισθέντα δ᾽ οὐκ εὔκρυπτα γίγνεται τάδε.

Κῆρυξ

624ἁνὴρ ἁνὴρ Hermann: ἀνὴρ codd. ἄφαντος ἐξ Ἀχαιικοῦ στρατοῦ,

625αὐτός τε καὶ τὸ πλοῖον. οὐ ψευδῆ λέγω.

Χορός

626πότερον ἀναχθεὶς ἐμφανῶς ἐξ Ἰλίου,

627ἢ χεῖμα, κοινὸν ἄχθος, ἥρπασε στρατοῦ;

Κῆρυξ

628ἔκυρσας ὥστε τοξότης ἄκρος σκοποῦ:

629μακρὸν δὲ πῆμα συντόμως ἐφημίσω.

Χορός

630πότερα γὰρ αὐτοῦ ζῶντος ἢ τεθνηκότος

631φάτις πρὸς ἄλλων ναυτίλων ἐκλῄζετο;

Κῆρυξ

632οὐκ οἶδεν οὐδεὶς ὥστ᾽ ἀπαγγεῖλαι τορῶς,

633πλὴν τοῦ τρέφοντος Ἡλίου χθονὸς φύσιν.

Χορός

634πῶς γὰρ λέγεις χειμῶνα ναυτικῷ στρατῷ

635ἐλθεῖν τελευτῆσαί τε δαιμόνων κότῳ;

Κῆρυξ

636εὔφημον ἦμαρ οὐ πρέπει κακαγγέλῳ

637γλώσσῃ μιαίνειν: χωρὶς ἡ τιμὴ θεῶν.

638ὅταν δ᾽ ἀπευκτὰ πήματ᾽ ἄγγελος πόλει

639στυγνῷ προσώπῳ πτωσίμου στρατοῦ φέρῃ,

640πόλει μὲν ἕλκος ἓν τὸ δήμιον τυχεῖν,

641πολλοὺς δὲ πολλῶν ἐξαγισθέντας δόμων

642ἄνδρας διπλῇ μάστιγι, τὴν Ἄρης φιλεῖ,

643δίλογχον ἄτην, φοινίαν ξυνωρίδα:

644τοιῶνδε μέντοι πημάτων σεσαγμένον σεσαγμένον Schütz: σεσαγμένων codd.

645πρέπει λέγειν παιᾶνα τόνδ᾽ Ἐρινύων.

646σωτηρίων δὲ πραγμάτων εὐάγγελον

647ἥκοντα πρὸς χαίρουσαν εὐεστοῖ πόλιν,

648πῶς κεδνὰ τοῖς κακοῖσι συμμίξω, λέγων

649χειμῶν᾽ Ἀχαιοῖς οὐκ ἀμήνιτον θεῶν; Ἀχαιοῖς ... θεῶν Dobree: Ἀχαιῶν ... θεοῖς codd.

650ξυνώμοσαν γάρ, ὄντες ἔχθιστοι τὸ πρίν,

651πῦρ καὶ θάλασσα, καὶ τὰ πίστ᾽ ἐδειξάτην

652φθείροντε τὸν δύστηνον Ἀργείων στρατόν.

653ἐν νυκτὶ δυσκύμαντα δ᾽ ὠρώρει κακά.

654ναῦς γὰρ πρὸς ἀλλήλαισι Θρῄκιαι πνοαὶ

655ἤρεικον: ἤρειπον Fa αἱ δὲ κεροτυπούμεναι κεροτυπούμεναι Wasse: κερωτυπον́μεναι codd. βίᾳ

656χειμῶνι τυφῶ σὺν ζάλῃ τ᾽ ὀμβροκτύπῳ,

657ᾤχοντ᾽ ἄφαντοι, ποιμένος κακοῦ στρόβῳ.

658ἐπεὶ δ᾽ ἀνῆλθε λαμπρὸν ἡλίου φάος,

659ὁρῶμεν ἀνθοῦν πέλαγος Αἰγαῖον νεκροῖς

660ἀνδρῶν Ἀχαιῶν ναυτικοῖς τ᾽ ἐρειπίοις. ναυτικοῖς τ᾽ ἐρειπίοις Auratus: ναυτικῶν τ᾽ ἐριπίων codd.

661ἡμᾶς γε μὲν δὴ ναῦν τ᾽ ἀκήρατον σκάφος

662ἤτοι τις ἐξέκλεψεν ἢ ᾽ξῃτήσατο

663θεός τις, οὐκ ἄνθρωπος, οἴακος θιγών.

664τύχη δὲ σωτὴρ ναῦν θέλουσ᾽ ναυστολοῦσ᾽ Casaubon ἐφέζετο,

665ὡς μήτ᾽ ἐν ὅρμῳ κύματος ζάλην ἔχειν

666μήτ᾽ ἐξοκεῖλαι πρὸς κραταίλεων χθόνα.

667ἔπειτα δ᾽ Ἅιδην πόντιον πεφευγότες,

668λευκὸν κατ᾽ ἦμαρ, οὐ πεποιθότες τύχῃ,

669ἐβουκολοῦμεν φροντίσιν νέον πάθος,

670στρατοῦ καμόντος καὶ κακῶς σποδουμένου.

671καὶ νῦν ἐκείνων εἴ τις ἐστὶν ἐμπνέων,

672λέγουσιν ἡμᾶς ὡς ὀλωλότας, τί μήν; τί μήν Linwood: τί μή codd.

673ἡμεῖς τ᾽ ἐκείνους ταὔτ᾽ ταὔτ᾽ Stanley: ταῦτ᾽ codd. ἔχειν δοξάζομεν.

674γένοιτο δ᾽ ὡς ἄριστα. Μενέλεων γὰρ οὖν

675πρῶτόν τε καὶ μάλιστα προσδόκα μολεῖν.

676εἰ δ᾽ οὖν τις ἀκτὶς ἡλίου νιν ἱστορεῖ

677καὶ ζῶντα καὶ ζῶντα] fortasse χλωρόν τε καὶ βλέποντα ex Hesychii gloss. Toup καὶ βλέποντα, μηχαναῖς Διός,

678οὔπω θέλοντος ἐξαναλῶσαι γένος,

679ἐλπίς τις αὐτὸν πρὸς δόμους ἥξειν πάλιν.

680τοσαῦτ᾽ ἀκούσας ἴσθι τἀληθῆ κλύων.